Tuesday , December 11 2018

مالی پریشانیوں پر دو افراد کی خودکشی

حیدرآباد 9مئی (سیاست نیوز) مالی پریشانیوں کے سبب پیش آئے خودکشی کے دو علحدہ واقعات میں دو افراد فوت ہوگئے ۔ واقعات سرور نگر اور چھتری ناکہ پولیس حدود میں پیش آئے ۔ سرور نگر پولیس کے مطابق 30 سالہ نریش جو پیشہ سے تاجر تھا سرور نگر علاقہ کا ساکن بتایا گیا ہے ۔ وہ مالی پریشانیوں کا شکار تھا جس نے 6مئی کے دن پٹرول اپنے جسم پر چھڑک کر آگ لگالی اور علاج کے دوران آج فوت ہوگیا ۔ چھتری ناکہ پولیس کے مطابق 30 سالہ وینکٹیش جو پیشہ سے لیبر تھا ۔ بوڈلا جنگم کالونی فلک نما میں رہتا تھا ۔ وہ مالی پریشانیوں سے تنگ آچکا تھا جس نے 5 مئی کے دن نا معلوم زہریلی دوا کا استعمال کرلیا جس کو فوری ہاسپٹل منتقل کیا گیا جہاں علاج کے دوران وہ آج فوت ہوگیا ۔ پولیس نے مقدمات درج کرلئے ہیں اور مصروف تحقیقات ہے۔

TOPPOPULARRECENT