Sunday , November 19 2017
Home / ہندوستان / مدھیہ پردیش میں ایک بس دریا میں گر گئی 15 باراتی ہلاک اور دیگر 38 زخمی

مدھیہ پردیش میں ایک بس دریا میں گر گئی 15 باراتی ہلاک اور دیگر 38 زخمی

اتارسی ( مدھیہ پردیش ) ۔ 15 ۔ دسمبر : (سیاست ڈاٹ کام ) : مدھیہ پردیش کے ضلع ہوشنگ آباد میں آج ایک بس کے برج سے دریا میں گرجانے کے باعث کم از کم 15 افراد بشمول 7 خواتین ہلاک دیگر 38 شدید زخمی ہوگئے ۔ اس بس میں باراتی سوار تھے ۔ یہ حادثہ آج صبح اس وقت پیش آیا جب یہ بس اندور سے پارسیہ جارہی تھی ۔ سوبھاگ پور پولیس اسٹیشن کے انچارج سدھارتھ سنگھ نے بتایا کہ حادثہ میں 15 افراد ہلاک اور دیگر 38 باراتی زخمی ہوگئے ۔ جنہیں بھوپال اور ہوشنگ آباد کے ہاسپٹلوں میں شریک کروادیا گیا ہے ۔ یہ بس سوبھاگ پور سے 7 کلومیٹر دور لونگا بنجاری ولیج کے قریب ایک دریائی پل عبور کررہی تھی کہ حادثہ کا شکار ہوگئی ۔ چیف منسٹر مدھیہ پردیش شیوراج سنگھ چوہان نے اس حادثہ پر رنج و غم کا اظہار کرتے ہوئے ہر ایک مہلوک کے ورثا کو 1.5 لاکھ روپئے اور زخمیوں کو فی کس 50 ہزار روپئے ایکس گریشیا کا اعلان کیا ہے ۔ حادثہ کی اطلاع ملتے ہی ہوشنگ آباد ضلع کلکٹر سنکیٹ بھونڈو اور دیگر سینئیر عہدیدار جائے وقوع پہنچ گئے اور امداد اور بچاؤ کی کارروائی شروع کردی گئی ۔۔

TOPPOPULARRECENT