Saturday , November 17 2018
Home / سیاسیات / مدھیہ پردیش کی 14 ویں اسمبلی میں72% ممبران اسمبلی کروڑ پتی

مدھیہ پردیش کی 14 ویں اسمبلی میں72% ممبران اسمبلی کروڑ پتی

بھوپال۔30 اکتوبر (سیاست ڈاٹ کام) مدھیہ پردیش کی موجودہ اسمبلی میں 72 فیصد ممبران اسمبلی کروڑ پتی ہیں، جبکہ گزشتہ اسمبلی (2008) میں یہ تعداد محض 38 فیصد تھی۔مدھیہ پردیش الیکشن واچ اور ایسوسی ایشن فار ڈیموکریٹک ریفارمز (اے ڈی آر) نے موجودہ اسمبلی کے 230 اراکین اسمبلی میں سے 225 ارکان کے حلف نامہ میں بتائے کئے گئے تجزیہ کے بعد یہ اعداد و شمار جاری کئے ہیں۔ریکارڈ کے مطابق بی جے پی کے 162 اراکین اسمبلی میں سے 118 (73 فیصد) ممبر اسمبلی کروڑ پتی ہیں۔ وہیں کانگریس کے 56 میں سے 40 (71 فیصد) ممبر اسمبلی کروڑ پتی ہیں۔ آزاد امیدوار 3 میں سے 2 اور بی ایس پی کے 4 ممبران اسمبلی میں سے 1 کروڑپتی ہے ۔مدھیہ پردیش کی 2013 کی اسمبلی میں فی ممبر اسمبلی اوسط جائیداد 5.24 کروڑ روپے ہے جبکہ یہ 2008 میں 1.44 کروڑ روپے تھی۔ بی جے پی میں فی ممبر اسمبلی اوسط جائیداد 5.37 کروڑ روپے ، وہیں کانگریس میں فی ممبر اسمبلی اوسط جائیداد 4.95 کروڑ روپے ہے . بی ایس پی ممبران اسمبلی کی اوسط جائیداد 3.22 کروڑ روپے ہے ۔سب سے زیادہ اعلان پراپرٹی والے تین اہم ممبران اسمبلی میں وجے راگھوگڑھ سے بی جے پی ممبر اسمبلی سنجے پاٹھک (141 کروڑ روپے )، رتلام سٹی سے بی جے پی ممبر اسمبلی چیتن کشیپ (120 کروڑ روپے ) اور تیندوکھیڑا ممبر اسمبلی سنجے شرما (65 کروڑ روپے )، پچھور سے کانگریس ممبر اسمبلی کے پی سنگھ ککاجو (60 کروڑ)، بھوجپور سے بی جے پی ممبر اسمبلی سریندر پٹوا (38 کروڑ) شامل ہیں۔ وہیں اندور -3 اسمبلی حلقہ سے بی جے پی ممبر اسمبلی اوشا ٹھاکر نے سب سے کم پراپرٹی (1.38 لاکھ روپے ) کا اعلان کیا ہے ۔ 21 ممبران اسمبلی نے ایک کروڑ روپے یا اس سے زیادہ کی لیابلیٹی کا اعلان کیا ہے ۔ سب سے زیادہ لیا بلیٹی کا اعلان کرنے والے ممبران اسمبلی میں وجے راگھوگڑھ سے بی جے پی ممبر اسمبلی سنجے پاٹھک (58 کروڑ روپے )، بھوجپور سے بی جے پی ممبر اسمبلی سریندر پٹوا (34 کروڑ روپے ) اور اجین (جنوب) سے بی جے پی ممبر اسمبلی ڈاکٹر موہن یادو (5 کروڑ روپے ) شامل ہیں۔19 ممبران اسمبلی ایسے ہیں جنہوں نے اپنے پرماننٹ اکاؤنٹ نمبر (پین) کی تفصیلات نہیں دی ہے ۔ 54 ممبران اسمبلی نے اعلان کیا ہے کہ انہوں نے اپنے انکم ٹیکس رٹرن داخل نہیں کئے ہیں۔

TOPPOPULARRECENT