Saturday , December 15 2018

مشرقی غوطہ میں حملے جاری، 42افراد ہلاک

دوبئی،12مارچ (سیاست ڈاٹ کام) ملک شام کے مشرقی غوطہ علاقہ میں فوج کے جاری فضائی حملے میں کم از کم 42افراد ہلاک ہوگئے۔ خبررساں ایجنسی الجزیرہ نے ڈوما میں موجود کارکن کے حوالہ سے بتایا کہ شامی طیارے پورے غوطہ شہر میں مسلسل بم برسا رہے ہیں۔ شامی ٹیلی ویژن نے خبر دی ہے کہ فوج نے اتوار کو موڈیرا شہر کو اپنے قبضہ میں لے لیا ہے ۔ کارکن ایڈم نور نے کہاکہ فوج کے حملوں میں جوبار میں آٹھ لوگوں کی موت ہوئی ہے جبکہ دوما میں ایک ہی خاندان کے 16لوگ مارے گئے ہیں۔ اس کے علاوہ ہرستہ ، جملکا، اربن اور ایڈم شہر بھی ہلاکتیں ہوئی ہیں۔ فوج کی مہم کافی جارحانہ ہوتی جارہی ہے اور میسر با شہر پر قبضہ کرنے کے بعد اب وہ آس پاس کے علاقوں کی طرف بڑھ رہی ہے ۔ دمشق کے نزدیک باغیوں کے قبضہ والے گڑھ میں فوج کی جارحانہ کارروائی جاری ہے اور اس نے نصف سے زائد علاقہ پر قبضہ کرلیا ہے ۔ اس درمیان اقوام متحدہ نے کہاکہ مشرقی غوطہ شہر میں تقریباََ چار لاکھ شہری پھنسے ہوئے ہیں۔ مشرقی غوطہ تین حصوں میں تقسیم ہے ۔ سیرین آبزرویٹری کے مطابق فوج نے مشرقی غوطہ میں 18فروری کو ہی کارروائی شروع کی تھی اور گزشتہ 21دنوں سے اب تک یہاں 1099لوگ مارے جاچکے ہیں۔

TOPPOPULARRECENT