Friday , November 24 2017
Home / Top Stories / مناسک حج کا آغاز ، آج وقوف عرفات

مناسک حج کا آغاز ، آج وقوف عرفات

Muslim pilgrims on the second day of the Hajj pilgrimage 2009....epa01946397 Muslim pilgrims gather on the Mountain of Mercy at Arafat, Saudi Arabia, on the second day of the Hajj pilgrimage 2009, 26 November 2009. The Hajj pilgrimage is one of the five pillars of Islam, it gathers over 2 million worshippers who complete various rituals. It started on 25 November. Seventy-seven people were killed in flash floods as the annual hajj pilgrimage began in the desert kingdom of Saudi Arabia, the Saudi government reported 26 November. The civil defence authority for the holy Muslim city of Mecca said that 25 Novembers 'torrential rains and thunderstorms' had turned streets into rivers of mud, destroyed homes and swept away cars. EPA/AHMAD TAHON

وادی منیٰ میں لاکھوں مسلمانوں کا اجتماع ، موسم خوشگوار ، پرسکون فضا میں عبادتیں ذکر و اذکار
وادی منیٰ ۔ 10 ۔ ستمبر : ( سیاست ڈاٹ کام ) : دنیا بھر کے زائد از 150 ملکوں سے آنے والے لاکھوں عازمین حج وادی منیٰ پہونچ چکے ہیں ۔ کل صبح بعد نماز فجر تمام عازمین وادی منیٰ سے 14.4 کلومیٹر دور میدان عرفات روانہ ہوں گے جہاں مناسک حج کا اہم رکن وقوف عرفات ہوگا ۔ ایشیا ، افریقہ اور دیگر ممالک کے عازمین اس وقت وادی منیٰ میں اپنے خیموں میں عبادت و ذکر و اذکار میں مصروف ہیں ۔ گرمی میں شدت اور درجہ حرارت 40 ڈگری سیلس ( 100 فارن ہیٹ ) ریکارڈ کیا گیا ہے ۔ مصر سے آنے والے حسن محمد 60 سال نے بتایا کہ وہ 1400 سال قبل حضور اکرم ﷺ کے ادا کردہ حج کی اتباع کرتے ہوئے حرم شریف سے وادی منیٰ تک پیدل پہونچے ہیں ۔ یہ میرا چھٹواں حج ہے اور میں یہاں پہونچکر خود کو سب سے زیادہ خوش نصیب انسان متصور کرتا ہوں ۔ دنیا کے تقریب ہر ملک سے تعلق رکھنے والے مسلمان جو دنیا کی ہر زبان میں بات کرتے ہیں ۔ یہاں پہونچ کر ایک ہی مقام پر ٹھہر کر یکساں عبادت کرتے ہیں ۔ مصر سے آنے والے ایک اور شہری 43 سال اشرف طلت نے بتایا کہ رنگ و نسل ، زبان اور امیر و غریب کے امتیازات سے بالاتر ہو کر تمام مسلمان ایک ہی چھت کے نیچے فریضہ حج کی ادائیگی کے لیے پہونچتے ہیں ۔ اخبار عکاظ نے اطلاع دی ہے کہ اس سال مفتی اعظم شیخ عبدالعزیز خطبہ نہیں دیں گے ۔ گذشتہ سال جمرات کے پل پر حادثہ کے بعد سعودی حکومت نے سخت سیکوریٹی اقدامات کیے ہیں ۔ شجاعت علی آئی آئی ایس نے وادی منیٰ سے فون پر بتایا کہ وادی میں موسم خوشگوار ہے ۔ حکومت سعودی عرب کی جانب سے غیر قانونی عازمین کے خلاف سخت اقدامات کرنے کے باعث سڑکیں کشادہ اور خالی دکھائی دے رہی ہیں ۔ کیمپس میں بھی غیر ضروری بھیڑ نہ ہونے سے عازمین حج کو پر سکون طریقہ سے عبادتوں میں مصروف ہونے کا موقع مل رہا ہے ۔ جگہ جگہ سیکوریٹی کے انتظامات اور رہنمائی سے بھی سہولتیں ہورہی ہیں ۔ ہندوستانی عازمین اپنے خیموں میں اطمینان بخش طریقہ سے عبادتوں میں مصروف ہیں ۔ اخبار عکاظ کے مطابق صحت کی خرابی کی وجہ سے اس سال شیخ عبدالعزیز خطبہ نہیں دے رہے ہیں ۔ مسجد نمرہ میں کل نماز ظہر اور عصر کی قصر ادا کی جائے گی جس کے بعد لاکھوں مسلمانوں کو فریضہ حج کی سعادت حاصل ہوگی ۔۔

TOPPOPULARRECENT