Monday , September 24 2018
Home / Top Stories / مہارشٹرا میں حکومت کی ناکامی کے خلاف35000کسانوں کی احتجاجی ریالی

مہارشٹرا میں حکومت کی ناکامی کے خلاف35000کسانوں کی احتجاجی ریالی

ممبئی۔کل ہند کسان سبھا کی زیرقیادت35000سے زائد کسان بی جے پی کی زیرقیادت حکومت کے ناکام اقتصادیوں پالیسیوں کے خلاف ایک بڑی ریالی نکالی ہے۔ کسانوں کا مطالبہ ہے کہ کسانوں کے لئے قرضہ جات کی تکمیل‘ قبائیلوں کو اراضیات کی اجرائی اور فصل سے جڑی قیمتوں میں توازن کی برقراری ہے۔

منتظمین کے مطابق بی جے پی کی ساتھی شیو سینا کے راج ٹھاکرے‘ ناؤ نرمان سینا‘ کے علاوہ نیشنلسٹ کانگریس پارٹی نے بھی کسانوں کی حمایت کا اعلان کیاہے۔کل کسان سبھا کے اجیت ناوالے نے کہاکہ سینا کے سینئر لیڈر یکناتھ شنڈے کے ممبئی میں ریالی پہنچنے کے ساتھ ہی کسانوں کا استقبال کیا۔

ناوالے نے کہاکہ’’ شنڈے نے تھانے میں احتجاجیوں کا استقبال کیا ہے اور کسانو ں کی حمایت کا بھی اعلان کیا۔

انہوں نے کہاکہ شنڈے نے شیوسینا سربراہ ادھوئے ٹھاکرے کا پیغام بھی احتجاجیوں کوپڑھ کرسنایا۔اسی طرح ایم این ایس کی راج ٹھاکرے کی پیغام ابھیجت جادھونے پڑھ کر سنایا‘ ایم این ایس نے بھی کسانو ں کی حمایت کا اعلان کیاہے۔

کل ہند کسان سبھا کے لیڈر نے کہاکہ وہ کسان جوریاست میں حکومت کی عدم توجہہ کے سبب بدحالی کی زندگی گذاررہے ہیں بی جے پی کی ناکامیوں کے خلاف احتجاج کرتے ہوئے کسانوں کے قرضہ جات جیسے مسائل کے حل کا مطالبہ کررہے ہیں۔

فصل کے اچھے دام‘ حقوق جنگلات ایکٹ‘ قبائیلوں کو اراضی کی تقسیم میں حکومت کا مساویانہ رویہ کسانوں کے مطالبات میں شامل ہے۔

انہوں نے مزیدکہاکہ کسان چاہتے ہیں کہ ناسک ‘ پلگھار‘تھانے ‘ اور قبائیلی علاقوں کے بشمول خشک سالی سے متاثرہ علاقوں میں ندی کا پانی پہنچایاجائے ۔

ہائی اسپیڈ ریل اور ہائی ویز کے لئے حکومت کی جانب سے قبائیلوں کی اراضیات چھین لینا بھی مذکورہ کسانوں کے مسائل میں شامل ہے۔

انہوں نے کہاکہ ’’ ہمارا مطالبہ ہے کہ کھیتی باڑی کرنے والے معمر افراد اور زراعی مزدور کی پنشن اسکیم میں اضافہ کیاجائے اور کھیڑوں سے تباہی ہونے والی فصلوں کے معاوضہ بھی اضافہ کیاجائے ‘‘۔

ممبئی کے آزاد میدان میں ہزاروں کسان آج جمع ہوکر مہارشٹرا اسمبلی کی طرف کوچ کریں گے تاکہ پچھلے کئی دنوں میں طویل مسافت پیدل طئے کرکے ممبئی شہر پہنچنے والے کسانوں کی زبوں حالی سے ایوان اسمبلی کو واقف کروایاجائے

TOPPOPULARRECENT