Wednesday , December 19 2018

مہارشٹرا میں دوسوکسانوں نے نیراؤ مودی کی زمین پر کیاقبضہ

ممبئی۔بھگوڑے کاروباری نیراؤ مودی کی مہارشٹرا کے احمد نگر میں موجود125ایکڑ اراضی پر دوسوکسانوں نے اپنے قبضہ جمالیاہے۔ زمین کے مذکورہ تکڑے کو پنجاب نیشنل بینک ( پی این بی) میں ہوئے ہزاروں کروڑ کے اسکام کے بعد انفارسمنٹ ڈائرکٹوریٹ( ای ڈی ) ضبط کرلیاتھا۔

کسانوں نے کہاکہ مودی نے کم قیمت پر ہمارے زمین ہم سے چھین لی تھی او ربعد میں اس کی قیمت دوگنی کردیا۔ مقامی میڈیاکے مطابق ٹریکٹر کی مدد سے کسانوں نے اس زمین پر کھدوائی بھی شروع کردی ہے

۔کسانوں کے گروپ کرجت تحصیل کے کھانڈالا پہنچے اور اس زمین کے کچھ حصہ پر کھدوائی کرتے ہوئے اس پر قبضہ جما لیا۔ کسانوں کا کہنا ہے کہ انہوں نے بڑے پیمانے پر زراعت شروع کرنے پر بھی اعلان کیاہے۔

ہفتہ کے روزایک احتجاج شروع ہوا جس میں کہاگیا کہ نیراؤ مودی کے فائیراسٹار کمپنی نے کچھ سال قبل کسانوں سے یہ اراضی ہتھیالی تھی۔

مودی او راس کے انکل میہول چوکسی تحقیقاتی اداروں کے رڈار میں اس وقت سے ہیں جب سے پنچاب نیشنل بینک میں مذکورہ بینک کے ملازمین کی جعلسازی سے 12,000کروڑ کا اسکام انجام دیاگیا تھا۔

مودی نے مبینہ طو رپر دھوکہ دھڑی کرتے ہوئے ایل او یو ایس حاصل کئے تاکہ بیرونی بینکوں سے قرض حاصل کرسکے۔ نیراؤ مودی کے خلاف شکایت درج کرائے جانے سے قبل وہ ملک چھوڑ کر فرار ہونے میں کامیاب رہا ہے۔

TOPPOPULARRECENT