Saturday , November 18 2017
Home / مذہبی خبریں / نعت شریف تسکین قلب کا ذریعہ گلدستہ نعت رسولؐ کا جناب زاہد علی خان کے ہاتھوں رسم اجراء

نعت شریف تسکین قلب کا ذریعہ گلدستہ نعت رسولؐ کا جناب زاہد علی خان کے ہاتھوں رسم اجراء

حیدرآباد /19 اگست ( راست ) جناب زاہد علی خان مدیر روزنامہ سیاست کے بدست گولڈن جوبلی ہال احاطہ سیاست عابڈس میں مولانا محمد خلیل اللہ قریشی نقشبندی کی چوتھی کتاب ’’ گلدستہ نعت رسول ﷺ ‘‘ کی رسم اجراء عمل میں آئی ۔ اس تقریب کا آغاز حافظ محمد شفیع کی قرات ، حافظ زاہد قادری کی نعت شریف سے ہوا ۔ نظامت کے فرائض مفتی عبدالواسع احمد صوفی نے انجام دئے ۔ تقریب کی سرپرستی مولانا مفتی عظیم الدین نے کی ۔ ڈاکٹر سید جہانگیر صدر شعبہ عربی ایفلو یونیورسٹی نے کہا کہ حضور ﷺ کا ذکر اونچا ہے ۔ جہاں ذکر حبیب ہوتا ہے وہاں خدا خود موجود ہوتا ہے ۔ حضور ﷺ کی محبت اصل ایمان ہے ۔ حضور ﷺ کی نعت گوئی کی محفل میں شرکت کرنا باعث ثواب ہے ۔ جہاں اللہ و رسول کا ذکر ہوتا ہے وہاں فرشتوں کا نزول ہوتا ہے ۔ قرآن و حدیث میں بے شمار مقامات پر رسول اکرم ﷺ کا تذکرہ کیا گیا ۔ مفتی محمد حسن الدین نے کہا کہ قرآن مجید از اول تا آخر نعت رسول ﷺ نظر آتا ہے مکہ مکرمہ ، مدینہ منورہ کا تذکرہ بھی نعت ہی ہے ۔ نعت شریف تسکین قلب کا ذریعہ ہے ۔ مولانا محمد خلیل اللہ قریشی قابل تعریف ہیں جنہو ںنے تصنیف ’’ گلدستہ نعت رسول ‘‘ کو تحریر فرمائیں ۔ اس تقریب میں ڈاکٹر مفتی محمد مستان علی قادری ، حافظ محمد صابر پاشاہ قادری ، ڈاکٹر مفتی محمد کاظم حسین نقشبندی ، محمد مجید اللہ خان ، مولانا صلاح الدین ، مولانا محمود شاہ ، مولانا عارف ہاشمی ، مولانا رفیق ، حافظ محمد عادل نے بھی شرکت کی ۔ مفتی محمد عظیم الدین کی دعاء پر تقریب کا اختتام عمل میں آیا ۔

TOPPOPULARRECENT