Wednesday , December 19 2018

ورلڈ کپ سے قبل حکومت برازیل کو دشواریوں کا سامنا

ساؤپاؤلو، 7 جون (سیاست ڈاٹ کام) برازیل میں فٹبال کے عالمی کپ سے قبل مظاہروں اور ہڑتالوں کا سلسلہ بدستور جاری ہے جس کی وجہ سے میزبان حکومت کو شدید دشواریوں کا سامنا ہے۔ خبر رساں ادارے کے مطابق شہر ساؤپاؤلو میں ریلوے کے ملازمین نے ہڑتال کی جبکہ دوسری جانب حکومتی پالیسیوں اور ٹریفک میں شدید دشواریوں کی وجہ سے شہریوں نے مظاہرہ کیا۔ اسی شہر میں 12 جون کو برازیل اور کروشیا کے میچ سے عالمی کپ کا افتتاح ہو گا۔ حکام کو خدشہ ہے کہ عالمی کپ کے دوران عوامی مظاہروں میں شدت آ سکتی ہے۔ برازیل میں گزشتہ کئی مہینوں سے حکومت کے خلاف عوامی احتجاج جاری ہے۔

TOPPOPULARRECENT