Wednesday , September 19 2018
Home / اضلاع کی خبریں / ونپرتی کو ترقی کی راہ پر گامزن کرنے ضلع انتظامیہ کوشاں

ونپرتی کو ترقی کی راہ پر گامزن کرنے ضلع انتظامیہ کوشاں

یوم جمہوریہ تقریب سے ضلع کلکٹر شیوتا مہنتی کا خطاب
ونپرتی /26 جنوری ( سیاست ڈسٹرکٹ نیوز ) ضلع ونپرتی کو تمام شعبوں میں ترقی کی راہ پر گامزن کرنے کیلئے ضلع انتظامیہ کوشاں ہیں ۔ عوام اور عوامی نمائندوں کو چاہئے کہ وہ عہدیداروں کا ساتھ دیں ۔ ونپرتی کے پالی ٹکنک گراؤنڈ پر منعقدہ یوم جمہوریہ تقریب سے ضلع کلکٹر شیوتا مہنتی مخاطب کرتے ہوئے ان خیالات کا اظہار کیا ۔ ضلع کلکٹر نے اس تقریب میں پہونچ کر سب سے پہلے سلامی لی ۔ بعد ازاں قومی ترنگے کی پرچم کشائی کی ۔ بعد ازاں وہ مخاطب کرتے ہوئے کہا کہ ریاستی حکومت کی جانب سے جاری کردہ تمام اسکیمات کو عوام تک پہونچانے کیلئے ضلع انتظامیہ حتی المقدور کوشش کر رہا ہے ۔ ضلع ونپرتی میں مشن بھگیرتا کے تحت 14 کروڑ روپئے خرچ کرتے ہوئے ہر دیہات کے ہر گھر تک پینے کے پانی کی سربراہی کیلئے اقدامات کئے جارہے ہیں ۔ ضلع ونپرتی میں شادی مبارک کے تحت سال 2017-18 میں 147 دلہنوں میں ایک کروڑ 50 لاکھ روپئے تقسیم کئے گئے ہیں ۔ ونپرتی ضلع میں عوامی دربار کے تحت سے عوام کی جانب سے اپنے مسائل کو حل کرنے کیلئے دئے گئے 8535 درخواستوں میں 5978 درخواستوں کو حل کیا گیا ہے ۔ مشن کاکتیہ کے تحت 148 کروڑ خرچ کرتے ہوئے 573 تالابوں کی مرمت کی گئی ہے ۔ ونپرتی کی ترقی کیلئے عوامی نمائندوں اور عوام کا ساتھ ضروری ہے ۔ بعد ازاں مختلف شعبہ جات میں نمایاں خدمات انجام دینے والوں کو توصیف نامہ اور شال پوشی کی گئی ۔ اس موقع پر اسکولی طلبہ کے ذریعہ قومی ثقافتی پروگرام کاانعقاد عمل میں آیا ۔ اس تقریب میں ایس پی روہنی پریہ روشنی ، پلاننگ بورڈ وائس چیرمین سی نرنجن ریڈی ، ایم ایل اے ڈاکٹر جی چناریڈی DRO چندریا RDO چندرا ریڈی جوائنٹ کلکٹر نرنجن کے علاوہ تمام سیاسی جماعتوں کے قائدین عہدیداروں اور عوام کی کثیر تعداد موجود تھی ۔ پولیس کی جانب سے بہترین حفاظتی انتظامات کئے گئے تھے ۔

TOPPOPULARRECENT