Tuesday , April 24 2018
Home / Top Stories / ٹرمپ کی امیگریشن پالیسیوں کے خلاف احتجاج مظاہرین نے وائیٹ ہاؤز کے باہر نماز ظہر ادا کی

ٹرمپ کی امیگریشن پالیسیوں کے خلاف احتجاج مظاہرین نے وائیٹ ہاؤز کے باہر نماز ظہر ادا کی

واشنگٹن ۔ /28 جنوری (سیاست ڈاٹ کام) صدر ٹرمپ کی ایمگریشن پالیسیوں کے خلاف وائیٹ ہاؤز کے باہر لیفٹے پارک میں مظاہرہ کیا گیا ۔ اس موقع پر مظاہرین نے وائیٹ ہاؤز کے باہر نماز ظہر بھی ادا کی ۔ مظاہرین نے ٹرمپ کی امتناعی پالیسی کے ایک سال پورے ہونے پر احتجاج کیا ۔ مسلم اکثیریتی ملکوں کے شہریوں کی امریکہ میں آمد روکنے کے حکمنامہ کا سال مکمل ہونے پر امریکیوں کی بڑی تعداد جن میں مسلمان بھی شامل تھے احتجاجی مظاہرہ کیا ۔ مظاہرے میں شریک مسلم شہریوں نے باجماعت نماز ظہر ادا کی ۔ واشنگٹن میں ہی سینکڑوں افراد نے صدر ڈونالڈ ٹرمپ کی امیگریشن اور ہیلت پالیسیوں کیخلاف احتجاجی مظاہرے کئے ۔ انہوں نے صدر ٹرمپ کے مواخذہ کا بھی مطالبہ کیا ۔ احتجاج میں شامل افراد کا کہنا تھا کہ صدر ٹرمپ کی پالیسیاں لوگوں کو تقسیم کرنے والی ہیں ۔ احتجاجیوں نے صدر ٹرمپ کی جانب سے آفریقی ممالک کیلئے بے ہودہ الفاظ استعمال کرنے کی بھی مذمت کی اور ان پر نسل پرست ، سفید فام پرست ہونے کا بھی الزام عائد کیا ۔

TOPPOPULARRECENT