Wednesday , August 15 2018
Home / اضلاع کی خبریں / پاس بکس ڈاٹا انٹری کا کام مکمل کرلینے کی ہدایت

پاس بکس ڈاٹا انٹری کا کام مکمل کرلینے کی ہدایت

 

سرسلہ میں جائزہ اجلاس سے ضلع کلکٹر کرشنا بھاسکر کا خطاب
سرسلہ ۔ 3 ۔ مارچ : ( سیاست نیوز ) : پٹہ دار پاس بکس ڈاٹا انٹری سروے نمبر کھاتے ڈیجیٹل دستخط کرلینے کا کام آئندہ پیر تک پورا کرلیا جائے ۔ ضلع کلکٹر کرشنا بھاسکر نے تحصیلداروں کو حکم دیا ۔ جمعہ کی شام کلکٹریٹ میں اراضیات کے ریکارڈ پٹہ دار پاس بکس کا ڈاٹا انٹری کس حد تک ہوچکی ہے کس مرحلے میں ہے سبھی منڈل تحصیلداروں ، نائب تحصیلدار کے ساتھ کلکٹر نے اجلاس منعقد کرتے ہوئے اس کا تفصیلی جائزہ لیا ۔ ضلع میں پٹہ دار پاس بکس میں کسان کی اراضی کی تفصیلات کے اندراج کے تعلق سے واضح حکم دیا گیا تھا کہ جلد کی جائے ، کیوں نہیں ہورہا ہے ، سوال کیا ۔ ضلع بھر میں 4393 سروے نمبر جس میں 141280 کھاتے ہیں ۔ 434883 ایکڑ زمین ہے ۔ اس میں تاحال 318251 سروے نمبر 314002 ایکڑ کی تصدیق ہوسکی ۔ جملہ سروے نمبرس میں 317429 سروے نمبر 113379 کھاتہ نمبرس میں 313141 ایکڑ زمین کی صحیح تفصیلات نہیں ہیں ۔ کسانوں کو پٹہ دار پاس بکس کی ضرورت ہے ۔ اسی لیے ان سبھی کا ڈاٹا انٹری ڈیجیٹل سائن کر کے فوری طور پر پیر کی شام تک پیش کیا جائے ۔ پٹہ دار پاس بکس ڈاٹا انٹری میں بوئن پلی کونا راؤ پیٹ منڈل پہلے دو مقامات پر ہیں مستاباد الینتہ کنٹہ منڈل آخری مقام پر ہیں ۔ کلکٹر نے کہا ۔ ڈاٹا انٹری جلدی کرلینے پر ہی حکومت کسانوں کو نئے عصری پٹہ دار پاس بکس حوالے کرنے میں آسانی ہوگی ۔ اسے دھیان میں رکھتے ہوئے ڈاٹا انٹری ڈیجیٹل سائن کرنے کا کام پورا کرلیا جائے حکم دیا ۔ پیر کی شام تک اگر یہ کام پورا نہ ہوگا تو متعلقہ تحصیلداروں کے خلاف نوٹس جاری کی جائے گی ۔ انتباہ دیا ۔ بعد ازاں کالیشورم پراجکٹ پیاکیج 9 ، 10 ، 11 ، 12 حصول اراضی زیر التواء کا جائزہ لیا ۔۔

TOPPOPULARRECENT