Thursday , December 13 2018

پاکستانی خواتین نے بنگلہ دیشیوں کا وائٹ واش کیا

کراچی ، یکم اکٹوبر (سیاست ڈاٹ کام) دوسرے ویمن ٹی ٹوئنٹی انٹرنیشنل میں پاکستان نے بنگلہ دیش کو 34 رنز سے شکست دے کر سیریز میں کلین سویپ مکمل کیا۔ پاکستان نے ہوم گراؤنڈ پر پہلی ٹی ٹوئنٹی سیریز جیت لی۔ یہاں ساؤتھ اینڈ کلب میں میزبان کپتان ثناء میر نے ٹاس جیتا اور پہلے بیٹنگ کا فیصلہ کیا۔ پاکستان نے مقررہ 20 اوورز میں 114/6 بنائے۔ بنگلہ دیشی ٹیم ہدف کے تعاقب میں پاکستان کی تباہ کن بولنگ کے باعث ڈٹ کر نہ کھیل سکی۔ سلمیٰ خاتون زیرقیادت مہمان ٹیم 80/7 تک محدود رہی۔ پاکستان کی بسمعہ معروف کو میچ اور سیریز کی بہترین کھلاڑی کا ایوارڈ دیا گیا۔ پہلے میچ میں پاکستان نے یہیں بنگلہ دیش کو 29 رنز سے شکست دی تھی۔

TOPPOPULARRECENT