Monday , December 18 2017
Home / کھیل کی خبریں / پرو کبڈی کو پہلے ہفتے میں 132 ملین شائقین نے دیکھا

پرو کبڈی کو پہلے ہفتے میں 132 ملین شائقین نے دیکھا

 

ممبئی 10 اگسٹ (سیاست ڈاٹ کام) پرو کبڈی کے پانچویں سیزن کو کئی زاویوں سے اہمیت حاصل ہوئی ہے اور اب اِس نے کامیابی کی ایک اور منزل طے کرلی ہے جیسا کہ ٹورنمنٹ کے افیشل براڈ کاسٹر اسٹار اسپورٹس سے موصولہ خبر کے بموجب پرو کبڈی کے پانچویں سیزن میں پہلے ہفتے کے مقابلوں کو 132 ملین شائقین نے دیکھا ہے۔ پہلے ہفتے میں ٹورنمنٹ کے 13 مقابلے ہوئے ہیں جس کا 132 ملین شائقین نے مشاہدہ کیا ہے۔ تفصیلات کے بموجب 90 ملین شائقین کا تعلق شہروں سے ہے جبکہ دیہی علاقوں میں شائقین کی تعداد 42 ملین ریکارڈ کی گئی ہے۔ شائقین کی تعداد میں آندھراپردیش، مہاراشٹرا اور کرناٹک میں پرو کبڈی کی مقبولیت میں بالترتیب 40 ، 34 اور 52 فیصد اضافہ درج کیا گیا ہے۔ علاوہ ازیں اسٹار اسپورٹس 1 ٹامل اور اسٹار اسپورٹس 1 ٹاملناڈو کے شائقین میں 6 گنا اضافہ ہوا ہے جبکہ اترپردیش میں شائقین کی تعداد میں دوگنا اضافہ درج کیا گیا ہے۔ کبڈی کے چوتھے سیزن کی بہ نسبت رواں ٹورنمنٹ کے ابتدائی 13 مقابلوں کی مقبولیت میں 59 فیصد اضافہ درج کیا گیا ہے۔ اِس موقع پر اظہار خیال کرتے ہوئے اسٹار انڈیا کے منیجنگ ڈائرکٹر سنجے گپتا نے کہاکہ ویوو پرو کبڈی کے پانچویں سیزن میں ہندوستان نے اپنی مقبولیت میں غیرمعمولی اضافہ درج کرلیا ہے۔

ہندوستان کو بلجیم کیخلاف 1-0 کی شکست
نئی دہلی 10 اگسٹ (سیاست ڈاٹ کام) نوجوان ہندوستانی ہاکی ٹیم کو میزبان بلجیم کے خلاف یوروپی دورے کے افتتاحی مقابلے میں بہتر مظاہرہ کے باوجود 1-0 کی شکست برداشت کرنی پڑی۔ مقابلے کے دوران دونوں ہی ٹیموں نے سخت اور مسابقتی مقابلہ پیش کیا ۔

TOPPOPULARRECENT