Saturday , April 21 2018
Home / Top Stories / پوٹن کی امریکی انتخابات میں مداخلت کی تردید‘ ٹرمپ

پوٹن کی امریکی انتخابات میں مداخلت کی تردید‘ ٹرمپ

DANANG, NOV 10 :- U.S. President Donald Trump and Russian President Vladimir Putin take part in a family photo at the APEC summit in Danang, Vietnam November 10, 2017. REUTERS-29R

ہنوئی 11 نومبر ( سیاست ڈاٹ کام ) امریکی صدر ڈونالڈ ٹرمپ نے آج کہا کہ روسی صدر ولادیمیر پوٹن نے ان سے کہا کہ انہوں نے امریکی انتخابات میں کوئی مداخلت نہیں کی ہے ۔ ٹرمپ کے ماسکو سے تعلقات ان کے دور صدارت کے پہلے سال میں مسئلہ بنے رہے اور ان کے کلیدی حامیوں کو امریکہ میں تحقیقات کا بھی سامنا ہے ۔ ٹرمپ کی مہم کے سابق صدر نشین پال منافورٹ اور ان کے ایک ساتھی مختلف الزامات پر گھروں پر نظربند کردئے گئے ہیں ۔ امریکی صدر کی پوٹن سے اپیک چوٹی کانفرنس کے دوران دو تا تین موقعوں پر مختصر بات چیت ہوئی ہے ۔ ٹرمپ نے ائرفورس ون پر میڈیا سے بات کرتے ہوئے کہا کہ پوٹن نے ان سے کہا کہ انہوں نے انتخابات میں کوئی مداخلت نہیں کی ۔ میں نے ان سے دوبارہ پوچھا جب بھی ان کا جواب یہی تھا ۔ ٹرمپ نے بتایا کہ پوٹن کا جواب تھا کہ آپ چاہے جتنی بار بھی سوال کریں ان کا جواب یہی ہے کہ انہوں نے انتخابات میں کوئی مداخلت نہیں کی ہے ۔ انہوں نے کہا کہ پوٹن نے ہر مرتبہ ان الزامات کی نفی کی ہے ۔

TOPPOPULARRECENT