Friday , February 23 2018
Home / دنیا / پیر ومیں بوئنگ طیارے میںآگ ، جانی نقصان نہیں

پیر ومیں بوئنگ طیارے میںآگ ، جانی نقصان نہیں

لیما 29 مارچ (سیاست ڈاٹ کام) وسطی پیروکے اڈین شہر کے جوجا کے نزدیک ہوائی اڈے پر اترتے ہوئے پیرووین ایئر لائنز کے ایک بوئنگ جیٹ طیارے میں آج آگ لگ گئی جس سے کسی جانی نقصان کی کوئی اطلاع نہیں ہے ۔پیرووین ایر لائنز نے بتایا کہ بوئنگ 737۔300 جیٹ اپنی مقررہ لینڈنگ کے وقت رن وے سے پھسل گیا۔ بتایا گیا ہے کہ لیما سے پرواز کرنے والے اس طیارے کے 141 مسافروں کو محفوظ باہر نکال لیا گیا ہے ۔اس حادثے صبح چار بجکر 30منٹ پر اس وقت پیش آیا جب طیارہ لیما سے 265 کلومیٹر کے فاصلے پر ایگریکلچر وادی کے کافی اونچائی والے ہوائی اڈے پر اتر رہا تھا۔ افسر ان اس واقعہ کی تفتیش کر رہے ہیں۔وزیر داخلہ کارلوس باسبورو نے بتایا کہ طیارے رن وے پر نہیں رکا اور اسے کنٹرول کرکے رو کنے کے لئے ہوائی جہاز کے پنکھوں کا سہارا لیا گیا جس کی وجہ سے آگ لگنے کا شبہ ہے۔ ٹی وی مناظر میں ہوائی اڈے پر طیارے سے بہت زیادہ دھواں نکلتا ہوانظرآیا۔

Top Stories

مولانا آزاد کی برسی پر تقریب کا انعقاد دہلی ومرکزی حکومت کی جانب سے بڑے لیڈران نے شرکت نہیں کی‘ صدر جمہوریہ ہند کی جانب سے ان کی مزار پر گل پوشی اور نائب صدر جمہوریہ نے اپنا پیغام بھیجا نئی دہلی۔آزادہندو ستا ن کے پہلے وزیر اتعلیم مولانا آزاد کے ساٹھ ویں یوم وفات کے موقع پر آج ان کے مزار واقع مینابازار میں ایک تقریب کا انعقاد ائی سی سی آر کی جانب سے کیاگیا۔افسوس کی بات یہ رہی کہ اس مرتبہ بھی مولانا آزاد کی وفات کے موقع پر دہلی ومرکزی حکومت کی جانب سے کسی بڑے لیڈران نے شرکت نہیں کی۔ چونکہ جامع مسجد پر کناڈہ کے وزیراعظم کو آناتھا اس لئے تقریب کو بہت مختصر کردیا گیاتھا۔ اس دوران صدرجمہوریہ ہند کی جانب سے ان کی مزار پر گل پوشی کی گئی او رنائب صدر جمہوریہ ہند نے اپنا پیغام بھیجا۔ ائی سی سی آر کے ڈائریکٹر نے مولانا آزاد کو خراج عقیدت پیش کرتے ہوئے کہاکہ جہاں تک مولانا آزاد کا تعلق ہے اور انہوں نے جو خدمات انجام دیں انہیں فراموش نہیں کیاجاسکتا۔ ہندو مسلم میں اتحاد قائم کیااس کی مثال ملنا مشکل ہے انہوں نے بھائی چارہ کوفروغ دیا۔ انٹر فیتھ ہارمنی فاونڈیشن آف انڈیاکے چیرمن خواجہ افتخار احمد نے کہاکہ مولانا آزاد نے لڑکیوں کی تعلیم پر بہت زیادہ توجہ دی۔ جب حکومت قائم ہونے کے بعد قلمدان کی تقسیم ہونے لگے تو مولانا آزاد نے تعلیم کا قلمدان لیاتاکہ لڑکیو ں کی تعلیم پر خاص دھیان دیاجاسکے۔ خاص طور سے مسلم لڑکیو ں کی تعلیم پر زیادہ دھیان دیاجائے۔کیونکہ مسلم لڑکیو ں کو پڑھنے کے زیادہ مواقع نہیں مل پاتے ۔ معروف سماجی کارکن فیروز بخت احمد مولانا سے منسوب ایک پروگرام میں پونے گئے ہوئے تھے۔ انہوں نے نمائندہ کو فون پر بتایا کہ مولانا آزاد کی تعلیمات کو قوم نے بھلادیا ہے۔ آج تک ان جیسا لیڈر پیدا نہیں ہوسکا اور افسوس کی بات ہے کہ مولانا آزاد کی برسی یا یوم پیدائش کے موقع پر دہلی یامرکزی حکومت کی جانب سے کوئی بڑا لیڈر شریک نہیں ہوتا۔ ایسا معلوم ہوتا کہ حکومت نے مولانا آزاد کو بھلادیا ہے۔ اس دوران سی سی ائی آر کی ایک کمار مولانا ابولکلام آزاد فاونڈیشن کے چیرمن عمران خان سمیت کافی لوگ موجود تھے۔
TOPPOPULARRECENT