Saturday , November 18 2017
Home / دنیا / پی رو کے امیزون میں چھ کسانوں کا قتل

پی رو کے امیزون میں چھ کسانوں کا قتل

لیما،8 ستمبر (سیاست ڈاٹ کام) پیرو کے امیزون میں نامعلوم افراد نے زمین کے مالکانہ حق کے سلسلے میں چھ کسانوں کو قتل کردیا ہے ۔ پولس افسر راول ہواری نے آج کہا کہ پانچ کسانوں کی لاشیں جنگل میں ندی سے برآمد ہوئی ہیں اور ایک لاش جنگل سے برآمد کی گئی ہے ۔ ان سب کے ہاتھ پیر بندھے ہوئے تھے اور جسم پر گولیوں کے نشان تھے ۔ یہ تمام کسان تھے اور ان پر ناریل پیداوار کا باغ خالی کرنے کے لئے دباؤ ڈالا گیا تھا۔ انہوں نے بتایا کہ ا ارد گرد کے مقامی باشندوں نے کہا ہے کہ ماسک پہنے ہوئے تقریبا 30 سے 40 افراد نے 20 سے زائد کسانوں کو نشانہ بنا کر فائرنگ کی ۔ ان بندوق برداروں نے کسانوں کو گھیر لیا اور ان کو گولی مار دی جبکہ بعض کسان فرار ہونے میں کامیاب ہو گئے ۔ پولس افسر نے کہا کہ 24 سالہ مدت کار کے دوران انہوں نے ایسا واقعہ پہلے کبھی نہیں دیکھا اور یہ قتل زمینی تنازعہ کا نتیجہ ہے ۔ پولس اور پبلک پراسکیوٹر اس معاملے کی تحقیقات کر رہے ہیں۔

TOPPOPULARRECENT