Wednesday , January 24 2018
Home / کھیل کی خبریں / چار روزہ ٹسٹ کرکٹ ، ای سی بی کی تجویز

چار روزہ ٹسٹ کرکٹ ، ای سی بی کی تجویز

لندن۔ 2 اپریل ۔(سیاست ڈاٹ کام) انگلینڈ اور ویلز کرکٹ بورڈ (ایس سی بی) کے نئے سربراہ کولن گریوس نے تصدیق کی ہے کہ وہ پانچ روزہ ٹسٹ میچوں کو چار دنوں تک محدود کرنے کی تجویز پیش کرنے کا سوچ رہے ہیں۔مئی میں ذمہ داریاں سنبھالنے والے گریوس نے ایم سی سی ویب سائٹ سے گفتگو میں بتایا کہ ’’میرے ذاتی خیال میں ہمیں چار روزہ کرکٹ پر غور کرنا چاہیئے۔

لندن۔ 2 اپریل ۔(سیاست ڈاٹ کام) انگلینڈ اور ویلز کرکٹ بورڈ (ایس سی بی) کے نئے سربراہ کولن گریوس نے تصدیق کی ہے کہ وہ پانچ روزہ ٹسٹ میچوں کو چار دنوں تک محدود کرنے کی تجویز پیش کرنے کا سوچ رہے ہیں۔مئی میں ذمہ داریاں سنبھالنے والے گریوس نے ایم سی سی ویب سائٹ سے گفتگو میں بتایا کہ ’’میرے ذاتی خیال میں ہمیں چار روزہ کرکٹ پر غور کرنا چاہیئے۔ ایسے میں روزانہ کھیل کا آغاز صبح ساڑھے دس بجے ہوسکے گا اور چونکہ اب تقریباً تمام ہی میدانوں میں فلڈ لائٹس کا انتظام موجود ہے لہذا دن میں 105 اوورز کا کھیل ہونا چاہیئے‘‘۔انگلش بورڈ خود سے چار روزہ ٹسٹ میچ متعارف نہیں کرا سکتا، لیکن وہ عالمی سطح پر تبدیلیوں کیلئے زور لگا سکتا ہے۔انہوں نے مزید کہا کہ ’’تمام ٹسٹ میچوں کو جمعرات سے شروع کیا جائے، کیونکہ جمعرات اور جمعہ کاروباری جبکہ ہفتہ ، اتوار اہل خانہ کے ساتھ گزارنے کے دن ہیں‘‘۔اخراجات کے نقطہ نظر سے دیکھیں تو پانچواں دن ختم ہونے سے میدان اور براڈکاسٹرز کے بہت سے اخراجات بچ سکیں گے۔یاد رہے کہ یہ تجاویز پہلی مرتبہ رواں سال اس وقت سامنے آئیں جب انگلش بورڈ کی ایک اہم دستاویز مکمل ہونے سے پہلے ہی منظر عام پر آ گئی۔گریوس اور نئے ای سی بی چیف ایگزیکٹیو ٹام ہیرسن نے مستقبل میں انگلش کاؤنٹی چیمپئن شپ اور ممکنہ ’’انگلش پریمئر لیگ ٹی ٹوئنٹی مقابلے‘‘ کی تجاویز پر ابتدائی بات چیت بھی کی۔

TOPPOPULARRECENT