Wednesday , December 19 2018

چاول کی غیر قانونی ذخیرہ اندوزی کے خلاف مہم

چندا نگر لنگم پلی اور یاچارم کے گوداموں پر دھاوے

چندا نگر لنگم پلی اور یاچارم کے گوداموں پر دھاوے
حیدرآباد /7 جولائی ( سیاست نیوز ) سائبرآباد پولیس نے چاول کی غیر قانونی ذخیرہ اندوزی اور غیر مجاز منتقلی کے خلاف کارروائی میں شدت پیدا کردی ہے ۔ گذشتہ روز کی گئی کارروائی کے بعد اسپیشل آپریشن ٹیم نے آج چندا نگر ، لنگم پلی اور یاچارم کے گوداموں میں دھاوا کرتے ہوئے بڑے پیمانے پر چاول کو ضبط کرلیا ۔ ایس او ٹی نے کمشنر کی خصوصی ہدایت پر کارروائی انجام دی ہے ۔ راشن دوکانات کے چاول کی غیر قانونی ذخیرہ اندوزی کے خلاف راشن ڈیلروں کی ملی بھگت اور درمیانی افراد کی سرگرمیوں پر کمشنر پولیس سائبرآباد کافی برہم ہیں ۔ بتایا جاتا ہے کہ ایس او ٹی نے اپنی کارروائی میں 4 افراد کو گرفتار کرلیا جبکہ ایک اور شخص مفرور بتایا گیا ہے ۔ پولیس نے وجئے سنگھ 42 سال ساکن لنگم پلی ،ای سداشیو 26 سال ساکن عطاپور ، رام سنگھ 40 سال ساکن لنگم پلی اور کے کمار 30 سال ساکن یاچارم کو گرفتار کرلیا ۔ جبکہ ایک اور سرغنہ جگن مفرور بتایا گیا ہے ۔ ایس او ٹی پولیس نے چندا نگر میں کی گئی کارروائی میں 50 کیلو فی تھیلے کے حساب سے 110 راشن کے تھیلے ضبط کرلئے ۔ جبکہ لنگم پلی میں 25 کیلو فی بستہ کے لحاظ سے 280 تھیلے اور یاچارم میں 50 کیلو فی تھیلے کے لحاظ سے 12 تھیلے ضبط کرلئے ۔ پولیس مزید تحقیقات میں مصروف ہے ۔

TOPPOPULARRECENT