Tuesday , January 23 2018
Home / شہر کی خبریں / چندرا بابو نائیڈو کا آج سے سہ روزہ دورہ سنگاپور

چندرا بابو نائیڈو کا آج سے سہ روزہ دورہ سنگاپور

ریاست میں سرمایہ کاری کی ترغیب کے لیے چیف منسٹر آندھرا پردیش کوشاں

ریاست میں سرمایہ کاری کی ترغیب کے لیے چیف منسٹر آندھرا پردیش کوشاں
حیدرآباد ۔ 10 ۔ نومبر : ( پی ٹی آئی ) : آندھرا پردیش کے چیف منسٹر این چندرا بابو نائیڈو ایک اعلیٰ سطحی وفد کی قیادت کرتے ہوئے سنگاپور کا دورہ کریں گے تاکہ سرمایہ کاروں کو راغب کیا جاسکے ، کل سے شروع ہونے والا ان کا یہ دورہ دوسری مرتبہ چیف منسٹر بننے کے بعد ان کا پہلا بیرونی دورہ ہوگا ۔ سنگاپور کے سابق وزیر اعظم گوہ چوک ٹانگ نے 8 ستمبر کو ان کے یہاں کے دورہ کے موقع پر مسٹر نائیڈو کو سٹی ۔ اسٹیٹ کا دورہ کرنے کی دعوت دی تھی اور کہا تھا کہ سنگاپور ، آندھرا پردیش میں بندرگاہوں ، ایرپورٹس ، سیاحت اور صنعتی شعبہ میں سرمایہ کاری کرنے میں دلچسپی رکھتا ہے ۔ سنگاپور نے پہلے ہی آندھرا پردیش کو نئے دارالحکومت کی تعمیر میں مدد کرنے کے علاوہ اسمارٹ شہروں کو فروغ دینے میں تعاون کرنے کی پیشکش کی ہے ۔ سرکاری ذرائع کے مطابق مسٹر نائیڈو اور ان کی ٹیم دوسری چیزوں کے علاوہ سنگاپور میں ویسٹ ۔ واٹر ٹریٹمنٹ سسٹم کا معائنہ کرے گی جسے حکومت آندھرا پردیش میں لانا چاہتی ہے ۔ انسٹی ٹیوٹ آف ساوتھ ایشین اسٹیڈیز نے بھی سنگاپور میں منعقد ہونے والی سالانہ ساوتھ ایشین کانفرنس میں خصوصی مہمان کے طور پر چندرا بابو نائیڈو کو مدعو کیا ہے ۔ سنگاپور کے سہ روزہ دورہ کے دوران چیف منسٹر بزنس کانفرنسیس منعقد کریں گے اور صنعتی شعبہ کے ہیڈس سے ملاقات کرتے ہوئے سرمایہ کاری کی ترغیب دیں گے ۔ اس وفد میں وزیر فینانس وائی رام کرشنوڈو وزیر بلدی نظم و نسق پی نارائنا ، نئی دہلی میں حکومت آندھرا پردیش کے نمائندہ خصوصی کے رام موہن راؤ ، ریاستی حکومت کے مشیران جے ستیہ نارائنا ( انفارمیشن ٹکنالوجی ) ، پرکالا پربھاکر ( مواصلات ) ، اور دیگر اعلیٰ عہدیدار شامل رہیں گے ۔ کانفیڈریشن آف انڈین انڈسٹری کے نمائندے بھی چیف منسٹر کے ہمراہ ہوں گے ۔۔

TOPPOPULARRECENT