چٹ فنڈ گروپ کے خلاف سی بی آئی کے دھاوے

نئی دہلی ۔ 29 ۔ دسمبر : ( سیاست ڈاٹ کام ) : دھوکہ باز چٹ فنڈ کمپنیوں کے خلاف گھیرا تنگ کرتے ہوئے سی بی آئی سے آج مہاراشٹرا اور اڈیشہ میں تقریبا 50 مقامات پر دھاوے کئے ۔ سرکاری ذرائع نے بتایا کہ پونے میں واقع ایک پرائیوٹ گروپ کے خلاف 2 شکایات درج کروائے جانے کے بعد یہ دھاوے کئے گئے ہیں جس نے عوام سے کروڑہا روپئے وصول کئے ہیں اور 58 مقامات بشمول پونے ، ناسک ، اورنگ آباد اور شولہ پور میں تلاشی لی گئی ۔جس میں خانگی گروپ کے پرموٹرس کی قیامگاہ بھی شامل ہے۔
شیر کے حملہ میں خاتون ہلاک
چندرا پور ( مہاراشٹرا ) ۔ 29 ۔ دسمبر : (سیاست ڈاٹ کام ) : ضلع چندرا پور کے سائیولی فاریسٹ رینج میں ایک شیر نے 38 سالہ خاتون کو ہلاک کردیا ۔ چیف کنزرویٹر آف فاریسٹ سنجے ٹھاکرے نے بتایا کہ مہلوک خاتون کی شناخت شانتا بائی بھوپا ۔ ساکن مہابوجرگ کی حیثیت سے کرلی گئی جو کہ دیگر خواتین کے ساتھ جلانے کی لکڑیاں حاصل کرنے کیلئے گئی تھیں ۔ جنگل میں چھپے ہوئے ایک شیر نے ان خواتین پر اچانک حملہ کردیا ۔ دیگر خواتین فرار ہوگئیں لیکن شانتا بائی اس کے چنگل میں پھنس گئیں ۔ فاریسٹ عہدیدار وہاں پہنچ کر نعش بغرض پوسٹ مارٹم ہاسپٹل منتقل کردیا جب کہ فاریسٹ ڈپارٹمنٹ کی جانب سے 30 ہزار کی امداد کا اعلان کیا گیا ہے ۔۔

Top Stories

TOPPOPULARRECENT