Thursday , June 21 2018
Home / ہندوستان / کاشتکاروں کے مفادات کے تحفظ پر بات چیت کی مخالفت نہیں کی جائے گی: اناہزارے

کاشتکاروں کے مفادات کے تحفظ پر بات چیت کی مخالفت نہیں کی جائے گی: اناہزارے

رالیگاؤں سدھی (مہاراشٹرا) ۔ 11 مارچ (سیاست ڈاٹ کام) کرپشن مخالف سماجی کارکن اناہزارے جنہوں نے حصول اراضی قانون کے خلاف 20 مارچ سے ایک ماہ طویل پدیاترا کا اعلان کیا ہے، آج اشارہ دیا کہ وہ نریندر مودی حکومت سے بات چیت کے مخالف نہیں ہیں بشرطیکہ اسے کاشتکاروں کے مفادات کے تحفظ میں مدد مل سکے۔ تاہم انہوں نے تمام سیاسی پارٹیوں سے اپیل کی کہ م

رالیگاؤں سدھی (مہاراشٹرا) ۔ 11 مارچ (سیاست ڈاٹ کام) کرپشن مخالف سماجی کارکن اناہزارے جنہوں نے حصول اراضی قانون کے خلاف 20 مارچ سے ایک ماہ طویل پدیاترا کا اعلان کیا ہے، آج اشارہ دیا کہ وہ نریندر مودی حکومت سے بات چیت کے مخالف نہیں ہیں بشرطیکہ اسے کاشتکاروں کے مفادات کے تحفظ میں مدد مل سکے۔ تاہم انہوں نے تمام سیاسی پارٹیوں سے اپیل کی کہ متفقہ طور پر کاشتکار دشمن قانون کی موجودہ نوعیت کی راجیہ سبھا میں مخالفت کریں جہاں برسراقتدار این ڈی اے اقلیت میں ہے اور اسے اس قانون کی منظوری میں مشکلات درپیش ہوں گی۔ پارلیمنٹ میں سیاسی پارٹیوں کی اس قانون کی متحدہ مخالفت کے بارے میں گاندھیائی کارکن نے کہا کہ ہنوز بہت سا کام باقی ہے۔ اس قانون کے بارے میں حکومت کو ازسرنو غور کرنا ہوگا۔ اناہزارے نے جو سیواگرام سے اپنی پدیاترا کا رام لیلا میدان دہلی تک انعقاد کرنے والے ہیں، کہا کہ ان کے جلوس میں کسی بھی سیاسی قائد کو اپنی سیاسی شناخت کے ساتھ شرکت کی اجازت نہیں دی جائے گی۔

TOPPOPULARRECENT