Sunday , December 17 2017
Home / شہر کی خبریں / کرناٹک کے بعد تلنگانہ آئی ٹی برآمدات میں سرفہرست

کرناٹک کے بعد تلنگانہ آئی ٹی برآمدات میں سرفہرست

نئی ریاست کے قیام کے بعد حیدرآباد میں آئی ٹی صنعت کو زبردست فروغ
حیدرآباد /8 اپریل ( سیاست نیوز ) ہندوستان کے آئی ٹی برآمدات میں گذشتہ چھ سال کے دوران 140 فیصد اضافہ ہوا ہے ۔ ان برسوں میں شرح پیداوار 2 ہند سی ہوگئی ہے ۔ جنوبی ہند کی دو ریاستیں کرناٹک اور تلنگانہ میں بھی آئی ٹی شعبہ زبردست ترقی کر رہا ہے ۔ کرناٹک کے بعد تلنگانہ میں سال 2014-15 کے دوران آئی بی برآمدات میں زبردست اضافہ ہوا ہے ۔ نئی ریاست تلنگانہ کی شرح ترقی 20 فیصد درج کی گئی ہے ۔ دیگر ریاستوں میں زائد از 10ہزار کروڑ کے برآمدات عمل میں آئے ہے جبکہ متحدہ آندھراپردیش میں حیدرآباد کے آئی ٹی ہب سے 7 ہزار کروڑ کی آئی ٹی برآمدات انجام پائے تھیں ۔ اب حیدرآباد تلنگانہ کا دارالحکومت بن گیا ہے جہاں پر آئی ٹی صنعت کو تیزی سے فروغ حاصل ہو رہا ہے ۔ دیگر دو ریاستوں ٹاملناڈو اور مہاراشٹرا میں بھی آئی ٹی صنعت کا غیر معمولی تعاون رہا ہے ۔ بنگلور ، حیدرآباد ، ممبئی ، پونے اور چنائی میں موجود آئی ٹی کمپنیوں کی کارکردگی بہتر بنائی جارہی ہے ۔ ان میں حیدرآباد کی آئی ٹی کمپنیوں کو بنگلور کی کمپنیوں کے بعد سرفہرست مانا جارہا ہے ۔ وزیر انفارمیشن ٹکنالوجی کے ٹی راما راؤ نے حیدرآباد میں آئی صنعت کو فروغ دینے کیلئے متعدد انتظامات کئے ۔

TOPPOPULARRECENT