کوڑنگل میں رمضان کی گہما گہمی

کوڑنگل۔9جولائی(سیاست ڈسٹرکٹ نیوز) کوڑنگل میں رمضان المبارک کے آغاز کے ساتھ ہی رُوح پرور مناظر دکھائی دے رہے ہیں۔ مسلمان قیام اللیل و دیگر عبادتوں میںمصروف ہوگئے ہیں ۔ ماہ رمضان کے آغاز سے قبل ہی مساجد کی ضروری صفائی کے ساتھ ساتھ برقی قمقموں سے سجایا گیا ہے ۔کورنگل ٹاون و اطراف و اکناف دیہاتوں و قصبات کی مساجد مصلیوں سے بھری ہوئی نظ

کوڑنگل۔9جولائی(سیاست ڈسٹرکٹ نیوز) کوڑنگل میں رمضان المبارک کے آغاز کے ساتھ ہی رُوح پرور مناظر دکھائی دے رہے ہیں۔ مسلمان قیام اللیل و دیگر عبادتوں میںمصروف ہوگئے ہیں ۔ ماہ رمضان کے آغاز سے قبل ہی مساجد کی ضروری صفائی کے ساتھ ساتھ برقی قمقموں سے سجایا گیا ہے ۔کورنگل ٹاون و اطراف و اکناف دیہاتوں و قصبات کی مساجد مصلیوں سے بھری ہوئی نظر آرہی ہیں ۔ کمسن مصلیوں و روزہ داروں کی تعداد میں غیرمعمولی اضافہ دیکھا جارہا ہے ۔ ہر طرف قرآن کریم کی آیات کی گونج کی وجہ نورانی منظر کی کیفیت ہے ۔ تمام چھوٹے بڑے اور معصوم بچے سبھی روزوں کا اہتما کرتے ہوئے عبادتوں میں مصروف ہوگئے ہیں ۔ تراویح اور پنچ وقتہ نمازوں کا سلسلہ جاری ہے ۔ ریاست تلنگانہ کے بشمول پڑوسی ریاستوں آندھراپردیش ‘ کرناٹک ومہاراشٹرا کے علاوہ بہار ‘ اترپردیش ‘ہریانہ و دیگر ریاستوں کے سفیر مساجد و دینی مدارس کی مالی اعانت کیلئے کوڑنگل کا دورہ کرتیہ ویء بامراد لوٹ رہے ہیں ‘ جہاں رمضانمختلف عبادتوں کو لیکر مصروف کردیا ہے وہیں خرید و فروخت میںبھی قابل لحاظ اضافہ ہوگیا ہے ۔ چھوٹا با ایک سیب اور چھوٹا ایک انار فی عدد 25/-روپئے میں دستیاب ہورہا ہے اوردیگر پھلوں کی قیمتیں آسمان کو چھو رہی ہیں ۔ نامساعد حالات‘ صبر آزماد ور اور ہوش رُبا مہنگائی کے پُرآشوت ماحول میںمسلمانوںمیں روایتی جوش وخروش دیکھا جارہا تھا ۔ ہر طرف مختلف قسم کے میوہ جات اور ہوٹلوں میں مختلف قسم کے پکوان ‘روزہ داروں کو اپنی جانب راغب کررہے ہیں ۔ مکانات میں خواتین بھی عبادتوں میں مشغول ہیں اور طرح طرح کے پکوان کرتے ہوئے خود کو مصروف کرلیاہے ۔ افطار سے قبل قومی یکجہتی کے روح پرور مناظر دکھائی دے رہے ہیں ۔ ہندو بھائی اور بہنیں بصد عقیدت و احترام مساجد پہنچ کر روزہ دار مسلم بھائیوں کیلئے کھجور اور مختلف قسم کے میوہ جات وغیرہ فراہم کرتے ہوئے روزہ کشائی کا اہتمام کررہے ہیں ۔

TOPPOPULARRECENT