Monday , July 16 2018
Home / کھیل کی خبریں / کک اور روٹ ناکام، وینس سنچری سے محروم، انگلینڈ 196/4

کک اور روٹ ناکام، وینس سنچری سے محروم، انگلینڈ 196/4

 

برسبین۔23 نومبر(سیاست ڈاٹ کام) آسٹریلیا اور انگلینڈ کی کرکٹ ٹیموں کے مابین ایشز سیریز کے پہلے ٹسٹ کے پہلے دن انگلینڈ نے اپنی پہلی اننگز میں جیمز ونس اور مارک اسٹون مین کی نصف سنچریوں کی بدولت چار وکٹوں کے نقصان پر 196 رنز بنا لیے۔تاریخی ایشز سیریز کا پہلا ٹسٹ برسبین کرکٹ گراؤنڈ پر شروع ہوا ہے جہاں انگلینڈ کے کپتان جو روٹ نے ٹاس جیت کر پہلے بیٹنگ کا فیصلہ کیا۔مہمان ٹیم کا آغاز اچھا نہ تھا اور اس کی پہلی وکٹ دو رنزکے مجموعی اسکور پر گر گئی جب سینئر بیٹسمین اور سابق کپتان السٹر کک دو رنز بنانے کے بعد مچل اسٹارک کی گیند پر پیٹر ہینڈزکومب کے ہاتھوں کیچ آؤٹ ہوئے۔اس موقع پر مارک اسٹونمین اور جیمز ونس نے ذمہ داری سے بیٹنگ کی اور 125 رنز کی شراکت قائم کرکے ٹیم کی حالت کو مستحکم کردیا۔ 127 کے مجموعی اسکور پر انگلینڈ کی دوسری وکٹ گر گئی جب اسٹونمین 53 رنز بناکر پیٹ کمنز کی گیند پر کلین بولڈ ہوگئے۔اسکور 145 تک پہنچا تو 83 رنز کی شاندار اننگز کھیلنے والے جیمز ونس بدقسمتی کا شکار ہو کر رن آؤٹ ہوگئے۔لیکن انگلینڈ کو بڑا دھکا اس وقت لگا جب کپتان جو روٹ صرف 15 رنز بنا کر پیٹ کمنز کی گیند پر ایل بی ڈبلیو قرار پائے۔اس کے بعد ڈیوڈ ملان اور معین علی نے پانچویں وکٹ میں 33 رنز کا اضافہ کرکے ٹیم کا اسکور 196 تک پہنچایا لیکن خراب روشنی کی وجہ سے میچ مقررہ وقت سے پہلے ختم کر دیا گیا۔جب پہلے دن کا کھیل ختم ہوا تو انگلینڈ نے چار وکٹوں کے نقصان پر 196 رنز بنائے تھے، ملان 28 اور معین علی 13 رنز کے ساتھ وکٹ پر موجود ہیں۔آسٹریلیا کی جانب سے پیٹ کمنز نے دو اور مچل سٹارک نے ایک وکٹ حاصل کی۔

TOPPOPULARRECENT