Wednesday , May 23 2018
Home / دنیا / گبون کے دارالحکومت میں’ اللہ اکبر‘ کے نعرے لگانے والے شخص نے ڈنمارک کے دو شہریوں کو زخمی کردیا

گبون کے دارالحکومت میں’ اللہ اکبر‘ کے نعرے لگانے والے شخص نے ڈنمارک کے دو شہریوں کو زخمی کردیا

لیبرولے۔17 ڈسمبر ( سیاست ڈاٹ کام ) دو ڈنمارک کے شہری اُس وقت زخمی ہوگئے جب کہ گبون کے دارالحکومت میں ان پر ایک چاقو بردار شخص نے حملہ کردیا ۔ یہ شخص مبینہ طور پر ’’ اللہ اکبر‘‘ کے نعرے لگارہا تھا ۔ اُس نے یہ حملے مبینہ طور پر مسلم دشمن امریکہ کے خلاف بطور احتجاج کئے تھے ۔ وسطی افریقہ کے ملک میں یہ ایک کمیاب حملہ تھا جو ایک اسلام پسند شخص نے کیا تھا ۔ دو افراد جو قومی جغرافیائی چینل پر برسرکار ہیں زخمی ہوگئے جب کہ وہ ایک مشہور بازار میں خریداری کررہے تھے ‘ اُن پر چاقو سے حملہ کیا گیا ۔ وزیر دفاع ایٹن مسارڈ نے کہا کہ یہ حملہ ایسا معلوم ہوتا ہے کہ سیاسی مقاصد پر مبنی تھا ۔ پہلی شہادت سے پتہ چلتا ہے کہ حملہ آور ایک 53سالہ نائیجریا کا شہری تھا جس نے اللہ اکبر کا نعرہ لگایا تھا ‘ اسے موقع واردات پر گرفتار کرلیا گیا ۔ دونوں زخمیوں کو اسپتال منتقل کردیا گیا جہاں ان میں سے ایک کی حالت نازک ہے ۔

TOPPOPULARRECENT