ہاسٹلس سے لیپ ٹاپ کا سرقہ ملزم جاروب کش کا کالج طالب علم جیسی طرز زندگی

حیدرآباد ۔ /11 فبروری (سیاست نیوز) ہاسٹلس میں طلباء کے لیپ ٹاپ اور قیمتی موبائیل فون کے سرقہ میں ملوث 21 سالہ وائی شیام کمار کو ٹاسک فورس پولیس نے گرفتار کرلیا ۔ بتایا جاتا ہے کہ شیام کمار کا تعلق ضلع ورنگل سے ہے اور وہ پرائم ہاسپٹل کوکٹ پلی میں جاروب کشی کا کام کرتا تھا ۔ وہ اکثر کالج کا بیاگ اپنے ساتھ رکھتا اور جینس پینٹ اور شرٹ میں مل

حیدرآباد ۔ /11 فبروری (سیاست نیوز) ہاسٹلس میں طلباء کے لیپ ٹاپ اور قیمتی موبائیل فون کے سرقہ میں ملوث 21 سالہ وائی شیام کمار کو ٹاسک فورس پولیس نے گرفتار کرلیا ۔ بتایا جاتا ہے کہ شیام کمار کا تعلق ضلع ورنگل سے ہے اور وہ پرائم ہاسپٹل کوکٹ پلی میں جاروب کشی کا کام کرتا تھا ۔ وہ اکثر کالج کا بیاگ اپنے ساتھ رکھتا اور جینس پینٹ اور شرٹ میں ملبوس لڑکوں کے ہاسٹلس میں جایا کرتا تھا ۔ صبح کی اولین ساعتوں میں طلباء کو محو خواب دیکھ کر وہ ان کے قیمتی موبائیل فون اور لیپ ٹاپس کا مبینہ سرقہ کیا کرتا تھا ۔ شیام کمار کو اکٹوبر 2013 ء میں چندا نگر پولیس نے اسی قسم کی وارداتوں میں ملوث ہونے پر گرفتار کرکے سنگاریڈی جیل منتقل کردیا تھا ۔ لیکن فبروری 2014 ء میں ضمانت پر رہا ہونے کے بعد وہ دوبارہ سرگرم ہوگیا اور معاشی تنگدستی کے سبب وہ دوبارہ لیپ ٹاپس و سیل فونس کے سرقے کرنے لگا ۔ بتایا جاتا ہے کہ شیام کمار نے ایس آر نگر میں واقع کئی لڑکوں کے ہاسٹلس میں سرقہ کئے تھے ۔

TOPPOPULARRECENT