Saturday , June 23 2018
Home / کھیل کی خبریں / ہندوستان انڈر 19 ایشیا کپ فاتح ،پاکستان کو شکست

ہندوستان انڈر 19 ایشیا کپ فاتح ،پاکستان کو شکست

شارجہ۔ 5 جنوری (سیاست ڈاٹ کام) ہندوستان نے شارجہ میں کھیلے گئے انڈر 19 ایشیا کپ میں پاکستان کے خلاف زبردست کامیابی حاصل کی اور کپتان وجئے جول (100) اور سجو سمسن (100) کی سنچری کی مدد سے ہندوستان کو فائنل میچ میں 40 رنز سے شکست دے کر ایشیا کپ انڈر 19 کرکٹ ٹورنمنٹ کا خطاب جیت لیا۔ ٹاس ہار کر پہلے بیٹنگ کرتے ہوئے ہندوستانی ٹیم نے 314 رنز کا ایک بڑا اسکور کھڑا کرنے کے بعد مقررہ ہدف کا تعاقب کرنے اُتری پاکستانی ٹیم کو مقررہ 50 اوورس میں 9 وکٹس پر 274 رنز پر محدود رکھا۔ پاکستانی اوپنر سمیع اسلم (87) اور 102 رنز پر ناٹ آؤٹ لوٹے کامران غلام کے علاوہ کوئی بھی پاکستانی کھلاڑی کرس پر نہیں ٹک سکا۔ ہندوستان کیلئے کلدیپ یادو نے 3 وکٹس حاصل کئے، لیکن دو دو وکٹس لینے والے دیپک ہوڈا اور چاما ملند نے نپی تلی بولنگ کرتے ہوئے پاکستانی بیٹسمنوں کے رنز پر روک لگائے رکھا۔

ٹورنمنٹ میں بہترین فارم میں رہ چکے ہندوستانی اوپنر روکبیس (47) ، اکھل ہیراٹکر (12) کے ساتھ پہلی وکٹ کیلئے 65 رنز کی شروعات کرکے ہندوستان کو بہتر شروعات دی۔ بیس نے سری لنکا کے خلاف گزشتہ میچ میں حاصل ہونے والی تین وکٹوں سے کامیابی میں اہم رول ادا کیا تھا۔ دونوں اوپنرس کے پویلین لوٹنے کے بعد ہندوستانی ٹیم کی کمان سنبھالنے والے کپتان فتح اور کیرالا کے سجو سیمسن نے تیسری وکٹ کیلئے 28.4 اوورس میں 180 رنز کی پارٹنرشپ نبھائی۔ وجئے نے اپنی کپتانی اننگز میں 120 گیندوں کا سامنا کیا اور 7 چوکے اور 2 چھکے لگائے۔ دوسری طرف سجو نے زبردست مظاہرہ پیش کرتے ہوئے 87 گیندوں میں 8 چوکوں اور 4 چھکے لگائے۔ ہندوستانی بیٹسمین اگرچہ تیز رنز نہیں بنا سکے اور آخری 8 اوورس میں 37 رنز پر ہندوستان کے 5 وکٹس گرگئے۔ 45 ویں اوور کی پہلی گیند پر سجو اور سرفراز خان کی شکل میں دو وکٹ گرے۔ سجو جہاں کیچ آؤٹ ہوئے، وہیں سرفراز رن آؤٹ ہوگئے۔

TOPPOPULARRECENT