Friday , February 23 2018
Home / کھیل کی خبریں / ہندوستان کے خلاف مقابلہ سخت ہوگا : لاسن

ہندوستان کے خلاف مقابلہ سخت ہوگا : لاسن

سڈنی۔ 10 جنوری (سیاست ڈاٹ کام) آسٹریلیا کی نیوزی لینڈ اور ویسٹ انڈیز کے خلاف ٹسٹ سیریز میں کامیابی سے غیرمتاثر سابق فاسٹ بولر جیوف لاسن نے کہا کہ ہندوستان کے ساتھ مقابلہ انتہائی سخت رہے گا اور یہ ایک طاقتور حریف ثابت ہوگی۔ ہندوستان اور آسٹریلیا کے مابین 12 جنوری سے ونڈے سیریز شروع ہورہی ہے۔ 1980ء کے دہے میں آسٹریلیا کے فاسٹ بولرس کی قیادت کرنے والے لاسن نے 2007ء تا 2009ء پاکستانی قومی ٹیم کو کوچنگ دی تھی۔ انہوں نے یہ رائے ظاہر کی کہ نیوزی لینڈ کے خلاف 2-0 سے کامیابی میں آسٹریلیا کو زیادہ مسابقت کا سامنا کرنا نہیں پڑا۔ اسی طرح ویسٹ انڈیز بھی فام میں نہیں ہے اور اس کامیابی سے بھی آسٹریلیا کی برتری ثابت نہیں ہوتی۔ انہوں نے کہا کہ ہندوستان سفید گیند کی اس کرکٹ میں نیوزی لینڈ یا ویسٹ انڈیز کے مقابلہ زیادہ طاقتور ثابت ہوگا۔ لاسن نے ’’سڈنی مارننگ ہیرالڈ‘‘ میں اپنا کالم تحریر کیا ہے جس میں انہوں نے کہا کہ آسٹریلیا کو ہندوستان کے خلاف سخت مقابلہ درپیش ہوگا۔

مدھیہ پردیش نے آسام کو 5 وکٹس سے ہرایا
وڈودرا۔ 10 جنوری (سیاست ڈاٹ کام)سید مشتاق علی ٹرافی کیلئے نیشنل ٹی ٹوئنٹی چمپین شپ نے مدھیہ پردیش نے آسام کو 5 وکٹس سے ہرا دیا۔ مدھیہ پردیش 6 مقابلوں کے منجملہ 4 میں کامیاب ہوچکی ہے جبکہ آسام پہلے ہی ٹورنمنٹ سے باہر ہے اور اسے 6 کے منجملہ صرف 2 میچس میں کامیابی ملی اور 4 میں شکست ہوئی۔

Top Stories

مولانا آزاد کی برسی پر تقریب کا انعقاد دہلی ومرکزی حکومت کی جانب سے بڑے لیڈران نے شرکت نہیں کی‘ صدر جمہوریہ ہند کی جانب سے ان کی مزار پر گل پوشی اور نائب صدر جمہوریہ نے اپنا پیغام بھیجا نئی دہلی۔آزادہندو ستا ن کے پہلے وزیر اتعلیم مولانا آزاد کے ساٹھ ویں یوم وفات کے موقع پر آج ان کے مزار واقع مینابازار میں ایک تقریب کا انعقاد ائی سی سی آر کی جانب سے کیاگیا۔افسوس کی بات یہ رہی کہ اس مرتبہ بھی مولانا آزاد کی وفات کے موقع پر دہلی ومرکزی حکومت کی جانب سے کسی بڑے لیڈران نے شرکت نہیں کی۔ چونکہ جامع مسجد پر کناڈہ کے وزیراعظم کو آناتھا اس لئے تقریب کو بہت مختصر کردیا گیاتھا۔ اس دوران صدرجمہوریہ ہند کی جانب سے ان کی مزار پر گل پوشی کی گئی او رنائب صدر جمہوریہ ہند نے اپنا پیغام بھیجا۔ ائی سی سی آر کے ڈائریکٹر نے مولانا آزاد کو خراج عقیدت پیش کرتے ہوئے کہاکہ جہاں تک مولانا آزاد کا تعلق ہے اور انہوں نے جو خدمات انجام دیں انہیں فراموش نہیں کیاجاسکتا۔ ہندو مسلم میں اتحاد قائم کیااس کی مثال ملنا مشکل ہے انہوں نے بھائی چارہ کوفروغ دیا۔ انٹر فیتھ ہارمنی فاونڈیشن آف انڈیاکے چیرمن خواجہ افتخار احمد نے کہاکہ مولانا آزاد نے لڑکیوں کی تعلیم پر بہت زیادہ توجہ دی۔ جب حکومت قائم ہونے کے بعد قلمدان کی تقسیم ہونے لگے تو مولانا آزاد نے تعلیم کا قلمدان لیاتاکہ لڑکیو ں کی تعلیم پر خاص دھیان دیاجاسکے۔ خاص طور سے مسلم لڑکیو ں کی تعلیم پر زیادہ دھیان دیاجائے۔کیونکہ مسلم لڑکیو ں کو پڑھنے کے زیادہ مواقع نہیں مل پاتے ۔ معروف سماجی کارکن فیروز بخت احمد مولانا سے منسوب ایک پروگرام میں پونے گئے ہوئے تھے۔ انہوں نے نمائندہ کو فون پر بتایا کہ مولانا آزاد کی تعلیمات کو قوم نے بھلادیا ہے۔ آج تک ان جیسا لیڈر پیدا نہیں ہوسکا اور افسوس کی بات ہے کہ مولانا آزاد کی برسی یا یوم پیدائش کے موقع پر دہلی یامرکزی حکومت کی جانب سے کوئی بڑا لیڈر شریک نہیں ہوتا۔ ایسا معلوم ہوتا کہ حکومت نے مولانا آزاد کو بھلادیا ہے۔ اس دوران سی سی ائی آر کی ایک کمار مولانا ابولکلام آزاد فاونڈیشن کے چیرمن عمران خان سمیت کافی لوگ موجود تھے۔
TOPPOPULARRECENT