Sunday , September 23 2018
Home / شہر کی خبریں / ہندوستان کے کسی بھی مقام پر نئی سہولتیں فراہم کرنے کی تجویز نہیں

ہندوستان کے کسی بھی مقام پر نئی سہولتیں فراہم کرنے کی تجویز نہیں

چندرابابو کی امریکی قونصل خانہ کے عہدیداروں سے ملاقات پر سفارت خانہ کی وضاحت

چندرابابو کی امریکی قونصل خانہ کے عہدیداروں سے ملاقات پر سفارت خانہ کی وضاحت
حیدرآباد۔ 3؍ڈسمبر (سیاست نیوز)۔ امریکی سفارت خانہ نے اس بات کی وضاحت کردی ہے کہ امریکی سفارت خانہ کی جانب سے ہندوستان کے کسی بھی علاقہ یا شہر میں فوری طور پر کوئی نئی سہولتیں فراہم کرنے کا منصوبہ نہیں ہے۔ گزشتہ یوم چیف منسٹر آندھرا پردیش مسٹر این چندرابابو نائیڈو سے امریکی قونصل خانہ کے عہدیداروں کے علاوہ دفاعی اُمور کے معتمد کی ملاقات ہوئی تھی اور اس دوران چیف منسٹر نے ریاست آندھرا پردیش میں امریکی قونصل خانہ کے قیام کے سلسلہ میں توجہ دہانی کروائی تھی، لیکن امریکی عہدیداروں کی جانب سے اس سلسلہ میں کوئی ردعمل ظاہر نہیں کیا گیا تھا۔ بعض اخبارات و ذرائع ابلاغ میں شائع خبروں کے متعلق امریکی سفارت خانہ نے وضاحت کی ہے کہ فوری طور پر نئی سہولتوں کے آغاز کے سلسلہ میں کوئی تیقن نہیں دیا گیا ہے اور نہ ہی کوئی اتفاق کیا گیا ہے۔

TOPPOPULARRECENT