Tuesday , November 13 2018
Home / Top Stories / ہنومان جینتی کے پیش نظر سخت سکیوریٹی ‘ پرانے شہر میںپولیس کا فلیگ مارچ

ہنومان جینتی کے پیش نظر سخت سکیوریٹی ‘ پرانے شہر میںپولیس کا فلیگ مارچ

حیدرآباد ۔ /30 مارچ (سیاست نیوز) ہنومان جینتی وجئے یاترا کے پیش نظر دونوں شہروں میں سکیورٹی کے سخت انتظامات کئے گئے ہیں اور پرانے شہر میں پولیس نے آج فلیگ مارچ کیا ۔ کمشنر پولیس حیدرآباد مسٹر انجنی کمار کی زیرقیادت آج عہدیداروں کا ایک اجلاس منعقد کیا گیا جس میں ہنومان جینتی بائیک ریالی اور مرکزی جلوس کے دوران کسی بھی قسم کے ناخوشگوار واقعہ کی روک تھام کیلئے ایک خصوصی حکمت عملی تیار کی ہے ۔ 14 ہزار پولیس عملہ کو اس موقعہ پر متعین کیا جارہا ہے اور شہر کے حساس علاقوں میں انٹلیجنس اور اسپیشل برانچ نے اپنی توجہ مرکوز کئے ہوئے ہے ۔ ڈی سی پی ساؤتھ زون وی ستیہ نارائنا کی نگرانی میں آج پرانے شہر میں ریاپڈ ایکشن فورس کا زبردست فلیگ مارچ کیا گیا اور ان علاقوں میں پولیس نے گشت کیا جہاں پر حالیہ دنوں متنازعہ اراضی پر مندر تعمیر کرنے کی کوشش کی گئی تھی ۔ کئی احتجاجی اقدامات بھی کئے جارہے ہیں جس میں پولیس نے مساجد ، درگاہوں اور چھلوں کو شامیانوں سے ڈھانک دیا ہے اور ہر علاقہ میں مسلح پولیس پکیٹس کو تعینات کیا گیا ہے۔ کل دوپہر گولی گوڑہ رام مندر سے آغاز ہونے والے ہنومان جینتی وجئے یاترا کو پرامن بنانے کیلئے پولیس ہر ممکن اقدامات کررہی ہے۔ جلوس کے تمام راستوں پر سی سی ٹی وی کیمروں کے ذریعہ کڑی نظر رکھی جارہی ہے اور کمانڈ کنٹرول سے سٹی پولیس کے اعلیٰ عہدیدار حالات کا جائزہ لیں گے۔

TOPPOPULARRECENT