Friday , February 23 2018
Home / ہندوستان / ۔2002ء نروڈاقتل عام کیس ایس آئی ٹی جج کا 5 اکتوبر کو فسادات کے مقامات کا دورہ

۔2002ء نروڈاقتل عام کیس ایس آئی ٹی جج کا 5 اکتوبر کو فسادات کے مقامات کا دورہ

احمدآباد۔26ستمبر (سیاست ڈاٹ کام) خصوصی ایس آئی ٹی عدالت کے جج نے جو 2002ء نروڈا گام قتل عام کیس کی سماعت کررہے ہیں ، آج کہا کہ وہ 5 اکتوبر کو فسادات کے مقامات کا دورہ کریں گے تاکہ اس علاقہ کی صورتحال کا جائزہ لے سکیں اور عینی شاہدین کے ادعاجات کی توثیق کرسکیں۔ اسپیل ایس آئی ٹی عدالت کے جج پی بی دیسائی نے آج اپنے دورہ کی تاریخ کا فیصلہ سنایا۔ خصوصی تحقیقاتی ٹیم کے آفیسر ہیمانشو شکلا نے کہا کہ وہ 3 اکتوبر کے بعد دستیاب ہیں۔ ان کے بیان کے بعد ہی ایس آئی ٹی جج نے اپنے دورہ کی تاریخ طئے کی۔ ہیمانشو شکلا آج عدالت میں موجود تھے۔ شکلا گجرات کی انسداد دہشت گردی اسکواڈ کے سپرنٹنڈنٹ آف پولیس ہیں اور اس کیس کے تحقیقاتی آفیسر بھی ہیں۔ جج دیسائی نے کہا کہ ایس آئی ٹی کے وکلاء ملزم اور متاثرین بھی ان کے ہمراہ ہوں گے، لیکن کسی بھی ملزم کو 5 اکتوبر کے دن فسادات کے مقامات کا دورہ کرنے کے دوران وہاں جانے کی اجازت نہیں دی جائے گی۔ انہوں نے پولیس کو ہدایت دی کہ وہ پنچ نامہ کے بعض حصوں کو پیش کرے جہاں پر قتل عام ہوا تھا۔ ایس آئی ٹی نے کل عدالت کو بتایا تھا کہ وہ بہترین نتیجہ اخذ کرنے کیلئے فسادات کے مقامات کا دورہ کریں اور عینی شاہدین کے ادعا جات کی توثیق بھی کریں۔ اس درخواست کو ایس آئی ٹی ، ملزمین اور عینی شاہدین کی پیروی کرنے والے وکلاء نے مشترکہ طور پر داخل کی تھی۔

Top Stories

مولانا آزاد کی برسی پر تقریب کا انعقاد دہلی ومرکزی حکومت کی جانب سے بڑے لیڈران نے شرکت نہیں کی‘ صدر جمہوریہ ہند کی جانب سے ان کی مزار پر گل پوشی اور نائب صدر جمہوریہ نے اپنا پیغام بھیجا نئی دہلی۔آزادہندو ستا ن کے پہلے وزیر اتعلیم مولانا آزاد کے ساٹھ ویں یوم وفات کے موقع پر آج ان کے مزار واقع مینابازار میں ایک تقریب کا انعقاد ائی سی سی آر کی جانب سے کیاگیا۔افسوس کی بات یہ رہی کہ اس مرتبہ بھی مولانا آزاد کی وفات کے موقع پر دہلی ومرکزی حکومت کی جانب سے کسی بڑے لیڈران نے شرکت نہیں کی۔ چونکہ جامع مسجد پر کناڈہ کے وزیراعظم کو آناتھا اس لئے تقریب کو بہت مختصر کردیا گیاتھا۔ اس دوران صدرجمہوریہ ہند کی جانب سے ان کی مزار پر گل پوشی کی گئی او رنائب صدر جمہوریہ ہند نے اپنا پیغام بھیجا۔ ائی سی سی آر کے ڈائریکٹر نے مولانا آزاد کو خراج عقیدت پیش کرتے ہوئے کہاکہ جہاں تک مولانا آزاد کا تعلق ہے اور انہوں نے جو خدمات انجام دیں انہیں فراموش نہیں کیاجاسکتا۔ ہندو مسلم میں اتحاد قائم کیااس کی مثال ملنا مشکل ہے انہوں نے بھائی چارہ کوفروغ دیا۔ انٹر فیتھ ہارمنی فاونڈیشن آف انڈیاکے چیرمن خواجہ افتخار احمد نے کہاکہ مولانا آزاد نے لڑکیوں کی تعلیم پر بہت زیادہ توجہ دی۔ جب حکومت قائم ہونے کے بعد قلمدان کی تقسیم ہونے لگے تو مولانا آزاد نے تعلیم کا قلمدان لیاتاکہ لڑکیو ں کی تعلیم پر خاص دھیان دیاجاسکے۔ خاص طور سے مسلم لڑکیو ں کی تعلیم پر زیادہ دھیان دیاجائے۔کیونکہ مسلم لڑکیو ں کو پڑھنے کے زیادہ مواقع نہیں مل پاتے ۔ معروف سماجی کارکن فیروز بخت احمد مولانا سے منسوب ایک پروگرام میں پونے گئے ہوئے تھے۔ انہوں نے نمائندہ کو فون پر بتایا کہ مولانا آزاد کی تعلیمات کو قوم نے بھلادیا ہے۔ آج تک ان جیسا لیڈر پیدا نہیں ہوسکا اور افسوس کی بات ہے کہ مولانا آزاد کی برسی یا یوم پیدائش کے موقع پر دہلی یامرکزی حکومت کی جانب سے کوئی بڑا لیڈر شریک نہیں ہوتا۔ ایسا معلوم ہوتا کہ حکومت نے مولانا آزاد کو بھلادیا ہے۔ اس دوران سی سی ائی آر کی ایک کمار مولانا ابولکلام آزاد فاونڈیشن کے چیرمن عمران خان سمیت کافی لوگ موجود تھے۔
TOPPOPULARRECENT