چیف منسٹر ریونت ریڈی پرچم کشائی انجام دیں گے، اضلاع میں وزراء اور اہم شخصیتوں کو ذمہ داری
حیدرآباد ۔ 15 ۔ ستمبر (سیاست نیوز) تلنگانہ حکومت نے 17 ستمبر کو یوم عوامی حکمرانی کے طور پر منانے کا فیصلہ کیا ہے ۔ حیدرآباد اور اضلاع میں سرکاری تقاریب کا اہتمام کرتے ہوئے پرچم کشائی انجام دی جائے گی ۔ چیف منسٹر ریونت ریڈی 17 ستمبر کو پبلک گارڈن میں پرچم کشائی انجام دیں گے ۔ وہ یادگار شہیدان تلنگانہ پہنچ کر تلنگانہ شہیدوں کو خراج پیش کریں گے ۔ اسی دوران پبلک گارڈن میں یوم عوامی حکمرانی تقاریب کے انتظامات کا جائزہ لینے کیلئے اعلیٰ عہدیداروں نے دورہ کیا۔ ڈائرکٹر جنرل پولیس ڈاکٹر جتیندر ، پرنسپل سکریٹری نوین متل ، کمشنر جی ایچ ایم سی آر وی کرنن ، صدرنشین و مینجنگ ڈائرکٹر سدرن پاور ڈسٹری بیوشن کمپنی مشرف فاروقی ، کمشنر اطلاعات سی ایچ پریانک، ضلع کلکٹر حیدرآباد ہری چندنا ، پروٹوکول ڈپارٹمنٹ کے جوائنٹ سکریٹری شیوا لنگیا اور دیگر عہدیداروں نے پبلک گارڈن میں پولیس پریڈ کی ریہرسل کا معائنہ کیا۔ اسی دوران حکومت نے اضلاع میں پرچم کشائی کے لئے وزراء اور اہم شخصیتوں کو ذمہ داری دی ہے ۔ چیف سکریٹری کے رام کرشنا راؤ نے جی او آر ٹی 1235 جاری کیا جس میں اضلاع میں پرچم کشائی کرنے والے قائدین کی نشاندہی کی گئی ہے ۔ ریاستی وزیر زراعت ٹی ناگیشور راؤ کتہ گوڑم ، ریاستی وزیر جنگلات کونڈا سریکھا ورنگل ، صدرنشین بی سی کمیشن جی نرنجن جگتیال ، صدرنشین ایس ٹی کارپوریشن بی نائک بھوپال پلی ، گورنمنٹ وہپ بی ایلیا جنگاؤں ، حکومت کے مشیر جتیندر ریڈی گدوال ، صدرنشین فارمرس کمیشن ایم کودنڈا ریڈی کاما ریڈی ، وزیر اقلیتی بہبود لکشمن کمار کریم نگر ، ڈپٹی چیف منسٹر بھٹی وکرمارکا کھمم ، نائب صدرنشین قانون ساز کونسل بنڈا پرکاش مدیراج آصف آباد ، گورنمنٹ وہپ رام چندر نائک محبوب آباد ، وزیر اکسائز جوپلی کرشنا راؤ محبوب نگر ، حکومت کے مشیر وینو گوپال راؤ منچریال ، وزیر لیبر جی ویویک میدک، حکومت کے مشیر ڈاکٹر کے کیشو راؤ میڑچل ، وزیر پنچایت راج ڈی انوسویا سیتکا ملگ ، نائب صدرنشین پلاننگ بورڈ جی چنا ریڈی ناگر کرنول ، وزیر عمارات و شوارع کے وینکٹ ریڈی نلگنڈہ ، وزیر اینمل ہسبنڈری وی سری ہری نارائن پیٹ ، صدرنشین تلنگانہ فینانس کمیشن ایس راجیا نرمل ، چیف منسٹر کے مشیر وی نریندر ریڈی نظام آباد ، صدرنشین اقلیتی فینانس کارپوریشن عبید اللہ کوتوال پدا پلی ، گورنمنٹ وہپ اے سرینواس سرسلہ ، وزیر انفارمیشن ٹکنالوجی ڈی سریدھر بابو رنگا ریڈی ، وزیر صحت دامودر راج نرسمہا سنگا ریڈی ، وزیر ٹرانسپورٹ پونم پربھاکر سدی پیٹ ، وزیر آبپاشی اتم کمار ریڈی سوریا پیٹ ، اسپیکر اسمبلی جی پرساد کمار وقار آباد ، چیف وہپ پی مہیندر ریڈی ونپرتی ، وزیر مال سرینواس ریڈی ہنمکنڈہ اور صدرنشین قانون ساز کونسل جی سکھیندر ریڈی بھونگیر میں پرچم کشائی انجام دیں گے۔ 1
