حیدرآباد۔ ونستھلی پورم کے علاقہ میں پیش آئے آتشزدگی کے واقعہ میں جہاں ایک اسکول ٹیچر ہلاک ہوئی تھی محکمہ فائر نے اس واقعہ کو حادثہ قرار دینے سے انکار کردیا ہے۔ کل آگ پر قابو پانے کیلئے پہنچے آتش فرو عملے نے اس واقعہ کو شارٹ قرار دینے کی باتوں کو مسترد کردیا اور کہاکہ یہ واقعہ حادثہ نہیں ہے بلکہ انجام دیا گیا ہے۔ ابتدائی تحقیقات کے بعد پولیس سمجھتی ہے کہ سرسوتی جو ونستھلی پورم علاقہ کے ساکن بالا کرشنا کی بیوی تھی اس خاتون نے انتہائی اقدام کیا اور بچانے کی کوشش کے دوران شوہر بھی معمولی جھلس گیا جب اس آگ کی شدت کو مقامی عوام نے دیکھ کر آتش فرو عملے کو طلب کیا۔ سرکاری ٹیچر سرسوتی اور اس کے شوہر کے درمیان اکثر جھگڑے ہوا کرتے تھے۔ اس واقعہ میں اس سرکاری اسکول ٹیچر کا شوہر زیر علاج ہے۔
