میلبورن: قازقستان کی الینا ریباکینا نے اتوار کو آسٹریلین اوپن 2023 کے چوتھے مرحلے میں پولینڈ کی انگا سویٹیک کو 2-0 سے شکست دے کر بڑا اپ سیٹ کیا۔22 ویں سیڈ ریباکینا نے راڈ لاور ایرینا میں خواتین کے سنگلز مقابلے میں 90 منٹ تک اسٹریٹ سیٹس میں 6-4، 6-4 سے ٹاپ سیڈ سویٹیک کو شکست دی۔ریباکینا نے گزشتہ سال ومبلڈن میں گرینڈ سلیم ٹائٹل جیت کر اپنی صلاحیتوں کا ثبوت دیا، حالانکہ یہ پہلا موقع تھا جب اس نے نمبر ایک رینکنگ کھلاڑی کو شکست دی تھی۔ریباکینا کا مقابلہ اب کوارٹر فائنل میں لٹویا کی ہیلینا اوسٹاپینکو سے ہوگا۔ اوسٹاپینکا پری کوارٹر فائنل میں امریکہ کی کوکو گاف کو 7-5، 6-3 سے شکست دینے کے بعد آرہی ہیں۔ریباکینا نے میچ کے بعد کہاکہ”میں 2020 میں اس سے پہلے راڈ لاور ایرینا میں اشلے بارٹی کے خلاف کھیل چکی ہوں۔ میں نے اس سیزن کی اچھی شروعات کی۔
