دہلی کے لیفٹیننٹ گورنر ونے کمار سکسینہ نے اروند کیجریوال حکومت کی بجلی سبسڈی اسکیم کی تحقیقات کا حکم دیا ہے۔ وہیں اس معاملے پر اروند کیجریوال کا ردعمل سامنے آیا ہے اور بی جے پی پر سنگین الزامات لگائے ہیں۔ آج ایک ٹویٹ میں کیجریوال نے لکھا، گجرات کو “آپ” کی مفت بجلی کی گارنٹی بہت پسند ہے۔ اسی لیے بی جے پی دہلی میں مفت بجلی بند کرنا چاہتی ہے۔ دہلی والوں کا ایمان ہے۔ میں کسی بھی حال میں آپ کی مفت بجلی بند نہیں ہونے دوں گا۔ گجرات کے لوگوں، میں آپ کو یقین دلاتا ہوں کہ اگر حکومت بنتی ہے تو یکم مارچ سے آپ کی بجلی بھی مفت ہو جائے گی ایک اور ٹویٹ میں کیجریوال نے لکھا، آپ نے ہر چیز پر اتنا ٹیکس لگا دیا ہے۔ اتنی مہنگائی۔ آپ لوگوں کا خون چوس رہے ہیں۔ ایسے میں اگر میں اپنے لوگوں کو بجلی مفت کرکے کچھ ریلیف دوں تو وہ بھی آپ سے برداشت نہیں ہوگا؟ کیا آپ اسے بھی روکنا چاہتے ہیں؟ میں کسی بھی صورت میں ایسا نہیں ہونے دوں گا۔
