اترپردیش اسمبلی اانتخابات کے تحت پانچویں مرحلے میں 61 اسمبلی سیٹوں کے لیے کل 27 فروری کو صبح 7 بجے سے ووٹنگ شروع ہوگی۔ شام 6 بجے تک جاری رہنے والی اس پولنگ میں الیکشن کمیشن نے پولنگ اسٹیشنز پر موبائل فون لے جانے پر پابندی عائد کردی ہے۔چیف الیکٹورل آفیسر اجے کمار شکلا نے بتایا کہ پانچویں مرحلے میں 12 اضلاع میں انتخابات ہوں گے۔ ان میں امیٹھی، رائے بریلی، سلطان پور، چترکوٹ، پرتاپ گڑھ، کوشامبی، پریاگ راج، بارہ بنکی، ایودھیا، بہرائچ، شراوستی، گونڈہ شامل ہیں انہوں نے بتایا کہ ووٹر آئی ڈی کے علاوہ 12 دیگر شناختی کارڈ ووٹ ڈالنے کے لیے قابل قبول ہوں گے۔
