پی کے مشرا، وزیراعظم مودی کے پرنسپل سکریٹری
نئی دہلی :مودی حکومت نے تازہ حکمنامہ جاری کرکے ’اجیت ڈوول کو تیسری مرتبہ قومی سلامتی کا مشیر مقرر کیا ہے۔ کابینہ کی تقرری کمیٹی نے 10 جون کو ہی ڈوول کی تقرری کو منظوری دے دی تھپی۔ ڈوول کی تقرری کی مدت وزیر اعظم کی میعاد کے ساتھ یا اگلے احکامات تک ہوگی۔اسی طرح مرکزی حکومت نے پی کے مشرا کو وزیر اعظم کے پرنسپل سکریٹری کے طور پر دوبارہ مقرر کیا ہے۔ اطلاعات کے مطابق ڈوول اور مشرا دونوں کو ان کی مدت ملازمت کے دوران کابینہ وزیر کا درجہ بھی دیا جائے گا۔اجیت ڈوول آئی پی ایس افسر رہ چکے ہیں اور انٹیلی جنس افسر کے طور پر ان کے کام کو بہت سراہا جاتا ہے۔ وہ 2014 میں وزیر اعظم مودی کی حکومت میں قومی سلامتی کے مشیر کے طور پر مقرر ہوئے۔ انہوں نے کئی مواقعوں پر اہم کردار ادا کیا ہے۔ڈوول نے عرب ممالک کے ساتھ ہندوستان کے بہتر تعلقات میں اہم رول ادا کیا ہے۔
