حیدرآباد : /19 نومبر (سیاست نیوز) جناب عامر علی خان نیوز ایڈیٹر سیاست کو میرچوک پولیس اسٹیشن کا مراسلہ وصول ہوا جس میں مسلم نعش کی تدفین کی درخواست کی گئی ۔ اس کے علاوہ 12 درخواستیں تدفین ہی کی غرض سے وصول ہوئی ۔ جملہ 13 نعشوں کو دواخانہ عثمانیہ اور گاندھی ہاسپٹل سے حاصل کرکے تدفین عمل میں لائی گئی ۔ نماز جنازہ مولانا سید حفیظ اشرفی امام جامع مسجد محمدیہ کشن باغ نے پڑھائی اور دعاؤں میں مدینہ شریف حادثہ کے شہداء کو بھی یاد کیا ۔ اس موقع پر معز اشرفی خلیفہ مدنی میاں اشرفی جیلانی نے شہداء کے فضائل بیان کئے ۔ سید منیر الدین ، فاریحہ نازنی ، فہیم الدین نے ان مسلم نعشوں کیلئے 13 کفن کا بندوبست کیا جس پر بشریٰ تبسم اور سید عبدالمنان نے اظہار تشکر کیا ۔ جناب محمد عبدالرحمن ، سید نعیم الدین ، آصف بھائی ، محمد عبدالجلیل ، مصری گنج کے محمد عارف بھائی نے ملت فنڈ میں تعاون کرنے والوں کیلئے دعا کی ۔ نماز جنازہ میں محمد شاکر ، سید زبیر ہاشمی ، محمد حمید الدین سماجی کارکن جہاں نما ، سید زاہد حسین ، مولانا معز اشرفی شریک تھے ۔ تدفین کے وقت متولی قبرستان نور خان اور محمد معراج محبوب خاں اسحاق خاں موجود تھے ۔ کارخیر میں حصہ لینے پر ادارہ سیاست چیرمین وقف بورڈ ، سید عظمت اللہ حسینی اور سی ای او وقف بورڈ محمد اسد اللہ کا شکریہ ادا کیا ۔
