اتراکھنڈ: پتھورا گڑھ ضلع میں ایک شرمناک واقعہ سامنے آیا ہے جس نے استاد اور شاگرد کے رشتے کو داغدار کر دیا ہے۔یہاں کمپیوٹر ٹیچر نے نابالغ طالبہ کے ساتھ گھر میں گھس کر زیادتی کی واردات کو انجام دیا۔ معاملے میں پولیس نے ملزم ٹیچر کو گرفتار کر کے مختلف دفعات کے تحت مقدمہ درج کر لیا ہے۔ پولیس سپرنٹنڈنٹ لوکیشور سنگھ کے بتایا کہ ایک شخص نے شکایت درج کرائی کہ 9 اگست کی رات ایک نامعلوم شخص گھر میں داخل ہوا۔ آواز آئی تو رشتہ داروں نے ایک نوجوان کو بھاگتے ہوئے دیکھا۔ جس پر اس شخص نے اپنی 15 سالہ پوتی سے سوال کیا جس میں نابالغ لڑکی نے بتایا کہ گھر میں داخل ہونے والا شخص اس کی کمپیوٹر کلاس کا ٹیچر ہے۔لڑکی کا کہنا تھا کہ اکثر موقع ملنے پر وہ کمپیوٹر روم میں میرے ساتھ گندے طریقے سے چھیڑ چھاڑ کرتا تھا اور دھمکی دیتا تھا کہ اگر میں نے اس بارے میں کسی کو بتایا تو مجھے بدنام کر دے گا۔ اس نے مزید بتایاکہ واٹس ایپ پر فحش تصاویر بھیجنے کیلئے بھی تنگ کرتاتھا۔
