بیروت ، 12 فروری (سیاست ڈاٹ کام) شام کی سرکاری فوج نے حلب کے علاقے خان العسل پراپنا کنٹرول حاصل کرلیا ہے۔ ادھر مغربی حلب میں روسی فوج کے جنگی طیاروں نے الفوج 46 کے اطراف میں بمباری کی ہے۔ اسی علاقے ترکی کی فوج بھی تعینات ہے۔ قمیناس کے مقام پر قائم ترکی کی فوجی چوکی پر شامی فوج نے فضائی حملہ کیا ہے جس کے نتیجے میں متعدد افراد کیہلاک اور زخمی ہونے کی اطلاعات ہیں۔ ترکی کے ہیلی کاپٹروں کو زخمیوں کو وہاں سے منتقل کرتے دیکھا گیا ہے تاہم یہ معلوم نہیں ہوسکا کہ حملے میں کتنے ترک فوجی ہلاک یا زخمی ہوئے ہیں۔ دریں اثناء ترکی کی مسلح افواج نے شمالی ادلب میں اپنی کمک میں اضافہ جاری رکھا ہوا ہے۔ کل منگل کے روز مزید ترکی نے مزید فوجی نفری ادلب کے لیے روانہ کی ہے۔ عینی شاہدین کا کہنا ہے کہ ادلب میں قائم ترک فوجی چوکی کی طرف ترکی کے مزید ٹینک اور بکتر بند گاڑیاں جاتی دیکھی گئی ہیں۔
