بنگلہ دیش سمیت 5 ممالک بین الاقوامی فوجداری عدالت سے رجوع
جوہانسبرگ: اسرائیل کی غزہ میں جاری بمباری میں عام شہریوں کی ہلاکت اور اسرائیل ۔ حماس جنگ کی تحقیقات کا مطالبہ کرتے ہوئے5 ممالک بین الاقوامی فوجداری عدالت سے رجوع ہوئے ہیں ۔ جنوبی افریقہ اور بنگلہ دیش سمیت پانچ ممالک نے جنگ کی تحقیقات اور فوری جنگ بندی کا بین الاقوامی فوجداری عدالت سے مطالبہ کیا ہے ۔فلسطین کی صورتحال کی تحقیقات کا مطالبہ کرنے والے دیگر ممالک میں بولیویا، جبوتی اور مشرقی افریقی ملک Comoros شامل ہیں۔جنوبی افریقہ کے صدر راما فوسا کا کہنا تھا کہ ہم نے شکایت اسرائیلی جنگی جرائم کی تحقیقات کے لیے درج کرائی ہے۔ قبل ازیں جنوبی آفریقہ کی وزیر خارجہ نے غزہ میں بمباری اور شہریوں کی ہلاکت کیلئے اسرائیل کے وزیر اعظم نتن یاہو کو فوری گرفتار کرنے کا بھی مطالبہ کیا ہے۔ اس طرح جنوبی افریقہ نے اسرائیل کیخلاف بین الاقوامی فوجداری عدالت میں شکایت درج کروائی ہے۔انہوں نے کہا کہ اسرائیل غزہ کی پٹی میں جنگی جرائم اور نسل کشی کا ارتکاب کر رہا ہے جبکہ ہاسپٹلس اور انفرااسٹرکچر کو تباہ کر دیا گیا ہے۔صدر راما فوسا نے مزید کہا کہ ہزاروں فلسطینی جان سے جا چکے ہیں، یقین ہے کہ عالمی فوجداری عدالت اسرائیلی جنگی جرائم کی تحقیقات کرے گی۔
