سڈنی ۔13 ستمبر (سیاست ڈاٹ کام )اسٹیو اسمتھ کو بال ٹیمپرنگ کی پاداش میں ایک سال کی سزا دینے والی کمیٹی کے رکن سابق ا?سٹریلوی کپتان مارک ٹیلر نے کہا ہے کہ اسٹیو اسمتھ دوبارہ کپتان بنیں گے۔ دورۂ جنوبی افریقہ کے موقع پر کیپ ٹاون ٹسٹ میں بال ٹیمپرنگ پر اسٹیو اسمتھ کو ایک سال کی پابندی کے ساتھ ایک برس کپتانی نہ دینے کی سزا دی گئی تھی اور مارک ٹیلر یہ فیصلہ کرنے والی کمیٹی میں شامل تھے۔ سابق ٹسٹ کرکٹر مارک ٹیلر نے اپنے کالم میں لکھا ہے کہ اسٹیو اسمتھ نے بہت سخت سبق سیکھا ہے، وہ یکم اپریل سے کپتانی کے اہل ہوں گے۔ مارک ٹیلر نے مزید کہا ہے کہ وہ یہ نہیں کہتے کہ اْنہیں فوری طور پر کپتان بنا دیا جائے لیکن وہ سمجھتے ہیں کہ جب ٹم پین کی کپتانی ختم ہو جائے تو اسمتھ کو ذمہ داری دی جائے، اس میں کوئی شک نہیں ہے کہ اسمتھ اب پہلے سے بہتر کپتان ہوں گے۔
