ادیس ابابا4 اپریل ( سیاست ڈاٹ کام ) افریقہ میں کورونا وائرس کے کیس بڑھتے جا ر ہے ہیں اور اس وائرس کی زد میں آنے سے اب تک 284 افراد ہلاک جبکہ تقریبا 7028 لوگ متاثر پائے گئے ہیں۔افریقہ سینٹر فار ڈیزیز کنٹرول اینڈ پریونشن (افریقہ سی ڈی سی) نے یہ اطلاع دی ۔ سی ڈی سی 55 رکنی افریقی ممالک کی ایک میڈکل ایجنسی ہے ۔ اس نے بتایا کہ کورونا وائرس اب تک 50 افریقی ممالک میں پھیل چکا ہے ۔سی ڈی سی نے بتایا کہ جنوبی افریقہ میں کورونا وائرس کے 1462 کیس، الجیریا میں 847 اور مصر میں 779 کیس ہیں۔ انہوں نے بتایا کہ براعظم میں اب تک 779 مریض ٹھیک ہو چکے ہیں 24 گھنٹوں میں ہلاک ہونے والوں کی تعداد بڑھ کر 221 سے 284 ہو گئی ہے ۔ یونین نے وبا کے خطرہ کو دیکھتے ہوئے27 جنوری کو اپنے ہنگامی آپریشنز سنٹر اور حادثاتی نظام کو شروع کر دیا تھا۔
