کابل: افغانستان کے دارالحکومت کابل میں مسافر بس میں زوردار دھماکہ کے نتیجے میں 6 افراد ہلاک جبکہ 7 زخمی ہوگئے۔عالمی خبر رساں ادارے کے مطابق دھماکہ کابل کے علاقے دشت برچی میں ایک منی بس میں ہوا، دھماکہ کے فوری بعد امدادی ٹیمیں جائے وقوعہ پر پہنچ گئی، اور دھماکے میں ہلاک اور زخمی ہونے والوں کو قریبی اسپتال منتقل کردیا گیا ہے جہاں 3 زخمیوں کی حالت نازک بتائی جارہی ہے۔طالبان کے مقامی کمانڈر نے غیرملکی خبر رساں ادارے کو بتایا کہ مسافر بس میں میگنیٹک بم کے ذریعے دھماکا کیا گیا۔ جس علاقے میں بس دھماکہ ہوا وہاں اکثریت شیعہ آبادی کی ہے۔دوسری جانب طالبان حکومت کے نائب وزیر اطلاعات ذبیح اللہ مجاہد نے نے سماجی رابطے کی ویب سائٹ ٹوئٹر پر بتایا کہ منی بس دھماکہ میں ایک شخص ہلاک اور 2 زخمی ہوئے ہیں۔ واقعہ کی تحقیقات کی جارہی ہے۔
