کابل: افغانستان کے صوبہ قندھار میں فوج کی کارروائی کے دوران 25 طالبان عسکریت پسند ہلاک اور 36 زخمی ہوگئے ۔ہفتہ کو افغان وزارت دفاع کے ترجمان فواد امان نے یہ اطلاع دی۔ افغان فوج نے صوبہ قندھار کے پنجوئی اور ارگنداب کے علاقوں میں طالبان کے خلاف مہم چلائی تھی۔ترجمان فواد امان نے بتایا کہ فوج کے آپریشن کے دوران 25 طالبان عسکریت پسند ہلاک اور 36 زخمی ہوگئے ۔ اس دوران دہشت گردوں کے ذریعہ تیار کردہ 13 دھماکہ خیز آلات کو ناکارہ بنانے کے ساتھ ساتھ متعدد دوسرے اسلحے کو بھی تباہ کردیا ۔
