کابل ۔ افغانستان میں پرتشدد واقعات میں 7 افراد مارے گئے ہیں۔ ہفتے کو مختلف واقعات میں ہلاک ہونے والے افراد میں ایک معروف مصنف کی بیٹی اور اہلیہ بھی شامل ہیں۔ کابل میں افغان مصنف اور سلامتی امور کے ماہر اسداللہ ولاولجی کی گاڑی میں نصب کیے گئے مقناطیسی بم کے دھماکے سے ان کی اہلیہ اور بیٹی ہلاک ہو گئیں۔ اس وقت ولاولجی گاڑی میں موجود نہیں تھے۔ صدر غنی نے اْن کیساتھ اظہار افسوس بھی کیا ہے۔ ادھر حکومتی ترجمان عمر زواک نے بتایا کہ جنوبی علاقے نہر سراج میں طالبان کیساتھ جھڑپوں میں افغان نیشنل آرمی کے کم از کم 3اہلکار ہلاک ہوگئے۔ اس کے علاوہ مزید دو فوجی بھی زخمی ہوگئے۔
