اسلام آباد ۔ امریکی حکومت نے امریکہ جانے کے خواہش مند افراد کیلئے انٹرویو کی شرط ختم کرنے کا فیصلہ کیا ہے۔ امریکی محکمہ خارجہ نے اپنے قونصل خانوں کو 31 دسمبر کے بعد بنا انٹرویو کے جلد سے جلد ویزوں کے اجراء کی ہدایت کر دی۔ میڈیا رپورٹ کے مطابق امریکی حکومت نے غیر ملکیوں کو امریکی ویزے کے اجراء میں ہونے والی تاخیر کے خاتمے کیلئے اہم فیصلہ کیا ہے۔ امریکی محکمہ خارجہ کے مطابق امریکی معیشت پر ورک ویزا والوں کے مثبت اثرات تسلیم کرتے ہیں۔ امریکی محکمہ خارجہ کی جانب سے ایسے ویزوں کی فہرست جاری کی گئی ہے، جو بنا انٹرویو کے جاری کیے جائیں گے۔ پیشہ ورافراد اسپیشل ایجوکیشن ویزیٹر ، انٹرا کمپنی ٹرانسفر ، غیرمعمولی قابلیت، کھلاڑیوں، فنکاروں، ثقافتی سرگرمیوں کیلئے ثقافتی ایکسچینج پروگرام ، زرعی کارکنوں کیلئے، طلبہ کیلئے، طلبہ ایکسچینج ویزیٹر کیلئے اپلائی کرنے والوں سے انٹرویو نہیں لیا جائے گا۔
