واشنگٹن ۔ 13 ستمبر (ایجنسیز) امریکہ میں بے روزگاری الائونس کی درخواست دینے والوں کی تعداد میں ہوشربا اضافہ ہو گیا ہے۔ غیر ملکی میڈیا کی رپورٹ کے مطابق امریکہ میں ملازمتوں کے مواقع میں مسلسل کمی کے باعث بے روزگاری الائونس کے لیے درخواست دینے والوں کی تعداد میں ہوشربا اضافہ ہو گیا ہے، جو کہ حکومت کے لیے ایک لمحہ فکر بن گیا ہے۔ مقامی میڈیا نے مذکورہ حوالے سے بتا یا کہ امریکی لیبر ڈپارٹمنٹ کی جاری کردہ اعداد و شمار کی رپورٹ کے مطابق گزشتہ ہفتہ بے روزگاری کے کلیم فارم 27 ہزار سے بڑھ کر 2 لاکھ 63 ہزار ہو گئے ہیں۔ جبکہ دوسری جانب یہ بات بھی علم میں رہے کہ بلومبرگ کی ایک رپورٹ کے مطابق بے روزگاری کی درخواستوں کی یہ تعداد اکتوبر 2021ء کے بعد سب سے زیادہ ہے۔
