واشنگٹن ،2فروری (سیاست ڈاٹ کام) امریکہ کے فلوریڈا کے شہر ریویرا بیچ میں واقع ایک چرچ میں فائرنگ ہونے کی وجہ سے دو افراد ہلاک اور دو زخمی ہوگئے ۔ مقامی پولیس نے ٹویٹ کرکے اس واقعہ کی اطلاع دی ہے ۔ پولیس کے مطابق ، یہ واقعہ ہفتے کے روز مقامی وقت کے مطابق 2:34 بجے وکٹر سٹی چرچ میں پیش آیا۔اس واقعے میں ، ایک نابالغ سمیت دو افرادکی موقع پر ہی موت ہوگئی ، جبکہ ایک خاتون اور ایک نابالغ زخمی ہوگئے ۔ زخمیوں کو علاج کے لئے اسپتال میں داخل کرایا گیا ہے ۔ اس سلسلے میں ابھی تک کوئی گرفتاری نہیں ہوسکی ہے ۔
